കണ്ണന്റെ അനുപമ 10
Kannante Anupama Part 10 | Author : Kannan
തുടർന്ന് വായിക്കുക
“നമുക്കെങ്ങനത്തെ ഒരു വീടുണ്ടാക്കണം ട്ടോ….
വഴിയോരത്തുള്ള മനോഹരമായ ഒരു വീട് ചൂണ്ടി കാണിച്ചു കൊണ്ടവൾ പറഞ്ഞു.
രണ്ട് നിലയുള്ള എന്നാൽ അധികം ഉയരമില്ലാത്ത നല്ലൊരു വീട്. ആ വീടിനേക്കാൾ അതിന് ചുറ്റും പ്രകാശിക്കുന്ന ലൈറ്റുകളാണ് അവളെ ആകര്ഷിച്ചതെന്ന് എനിക്കുറപ്പാണ്. മെഴുകു തിരി നാളം പോലെ തീവ്രത കുറഞ്ഞ എന്നാൽ കാണാൻ നല്ല ഭംഗിയുള്ള പ്രകാശം.
“അപ്പൊ ഇപ്പൊ ഉള്ള വീടോ..?
അവളുടെ ഉദ്ദേശം എനിക്ക് വ്യക്തമായില്ലാ
“അത് പുതുക്കി പണിയുന്ന കാര്യാണ് മണ്ടാ പറഞ്ഞെ… “
അവൾ എന്റെ തലക്ക് കിഴുക്കി കൊണ്ട് പറഞ്ഞു.
“പിന്നെ എനിക്കൊരാഗ്രഹം കൂടെ ണ്ട്. …
കുറച്ച് നേരത്തെ നിശ്ശബ്ദതക്ക് ശേഷം അവൾ മടിച്ചു കൊണ്ട് പറഞ്ഞു.
“ഇതിനൊരവസാനം ഇല്ലേ പെണ്ണെ.
ആ എന്തായാലും പറ..”
ഞാനവളുടെ കരം ഗ്രഹിച്ചു കൊണ്ട് പറഞ്ഞു.
“അല്ലെങ്കി വേണ്ടാ…ഒന്നൂല്ല…. “
നിരാശയോടെ പറഞ്ഞു കൊണ്ട് അവളെന്റെ തോളിലേക്ക് തലവെച്ചു..
“പറ പെണ്ണെ ചുമ്മാ ഗമ കാണിക്കാതെ….”
“ഒന്നൂല്ലെന്നേ ലച്ചുമ്മയും അച്ഛനും നമ്മളും ഒക്കെ ഒരുമിച്ച് സന്തോഷത്തോടെ കഴിയണം എന്നാണ് ന്റെ ആഗ്രഹം…. ”
“അത്രേ ഒള്ളോ….?
“അത്രേ ഒള്ളൂന്ന് പറഞ്ഞില്ലേ
ചെക്കാ… “
എന്റെ ചോദ്യം ചെയ്യൽ മാഡത്തിന് ഇഷ്ടപ്പെട്ടില്ല. നല്ലൊരു നുള്ളും കിട്ടി.
“നീ പറയാൻ വന്നത് എന്താന്ന്
ഞാൻ പറയട്ടെ..?
ഞാൻ കുസൃതിയോടെ ചോദിച്ചു..
“ആഹ് അത്ര വല്യ ആളാണെങ്കിൽ ഒന്ന് പറഞ്ഞെ കേക്കട്ടെ…. “
അവൾ വെല്ലുവിളിയുയർത്തി…
“നമ്മടെ വീട് പുതുക്കി പണിഞ്ഞു വലുതാക്കിയിട്ട് അച്ഛനേം അമ്മേനേം കൂടെ അവിടെ താമസിപ്പിക്കണം എന്ന് നിനക്ക് ആഗ്രഹം ഇല്ലേ…?
“മുത്തപ്പാ….. !
ഇതെങ്ങനെ അറിഞ്ഞു…?
അവൾ ശബ്ദമിടറിക്കൊണ്ട് ചോദിച്ചു…
“നിന്നെ ഞാനെന്നോ മനഃപാഠമാക്കിയതാ പെണ്ണെ….. “
“പൊന്നൂസ് സമ്മതിക്കോ…?
കുറച്ച് നിമിഷത്തെ നിശ്ശബ്ദതക്ക് ശേഷം
എന്റെ തോളിൾ കീഴ്ത്താടി കുത്തി കൊണ്ടവൾ പതിയെ ചോദിച്ചു..
“പിന്നെന്തിനാ മുത്തേ ഏട്ടൻ ജീവിച്ചിരിക്കുന്നെ..?
ഹാന്ഡിലിൽ നിന്ന് ഇടത്തെ കൈ പിന്നിലേക്ക് കൊണ്ട് പോയി അവളുടെ മുടിയിൽ തലോടിക്കൊണ്ട് പറഞ്ഞു.
അതിന് മറുപടിയായി അവളൊന്നും പറഞ്ഞില്ല.പകരം ഒന്ന് കൂടി അടുത്തേക്കിരുന്ന് എന്നെ വരിഞ്ഞു മുറുക്കി. എന്റെ കവിളിൽ മുഖമമർത്തി കണ്ണടച്ചിരുന്നു.ഇടക്ക് എന്റെ കവിളിലൂടെ ഒലിച്ചിറങ്ങുന്ന കണ്ണുനീർതുള്ളികൾ അവൾ ഉറങ്ങിയിട്ടില്ലെന്ന് സാക്ഷ്യപ്പെടുത്തി.അവളുടെ ഉടുമ്പ് പിടുത്തത്തിൽ എനിക്ക് ചെറുതായി ശ്വാസം മുട്ടിയെങ്കിലും ഞാൻ ഒന്നും പറഞ്ഞില്ല. വീട്ടിലെത്തിയപ്പോഴാണ് പെണ്ണ് പിടുത്തം വിട്ടത്. ഉമ്മറത്ത്‌ ലച്ചുവിനെ കണ്ടപ്പോൾ അവൾ അകന്നിരുന്നു.
“നീയിതിനെ പിന്നേം കരയിച്ചൂ ലെ ?
ഉമ്മറത്തേക്ക് കയറിയ അവളുടെ മുഖം കണ്ട് ലച്ചു എന്റെ നേരെ കയ്യോങ്ങി…
“ഞാനൊന്നും ചെയ്തില്ലമ്മെ..
ഞാൻ കൈമലർത്തി…
“അമ്മേടെ മോള് വാടാ…
ഈ കോന്തൻ കരയിച്ചോ… സാരല്ല ട്ടോ…..
അമ്മേടെ പൊന്നുമണി കരയണ്ട…..”
ലച്ചു കൊച്ചു കുഞ്ഞുങ്ങളെപ്പോലെപ്പോലെ അവളെ കൊഞ്ചിച്ചു കൊണ്ട് നെറ്റിയിൽ ഉമ്മ വെച്ചു കെട്ടിപിടിച്ചു.ക്ഷണത്തിനു കാത്ത് നിന്ന പോലെ അനു അമ്മയെ ചുറ്റി വരിഞ്ഞു കൊണ്ട് ഒതുങ്ങി നിന്നു.
ഒരു പെൺകുട്ടി ഇല്ലാതെ പോയതിന്റെ നിരാശ തടിച്ചിക്ക് ഇപ്പൊ മാറിയിട്ടുണ്ടെന്ന് തോന്നുന്നു.കാട്ടികൂട്ടലൊക്കെ വെച്ച് നോക്കിയാൽ എന്നെക്കാൾ ഇഷ്ടാണ് ലച്ചുവിനിപ്പോ അമ്മുവിനെ..
കാണാനൊത്തിരി ആഗ്രഹിച്ച ആ സുന്ദരമായ കാഴ്ച ആസ്വദിച്ചു കൊണ്ട് ഞാൻ ഉള്ളിലേക്ക് കയറി..
അച്ഛമ്മയെ അന്വേഷിച്ചപ്പോ ഉറങ്ങിയെന്നു പറഞ്ഞു. ശരിക്കും ഉറങ്ങീട്ട്ണ്ടോ അതോ അഭിനയിച്ചു കിടക്കാണോന്ന് ആർക്കറിയാം…
ഡ്രസ്സ്‌ മാറ്റി ഞാൻ വീണ്ടും ഉമ്മറത്തേക്ക് പോയി.. അപ്പഴേക്കും ലച്ചു അമ്മുവിനെ മടിയിൽ ഇരുത്തി വിശേഷങ്ങൾ ചോദിച്ചറിയുകയാണ്. അവളാകട്ടെ കഞ്ഞിയിൽ ഉപ്പ് കുറഞ്ഞതടക്കം സകല കാര്യങ്ങളും വിസ്തരിച്ചു പറയുന്നുണ്ട്…
“അയ്യേ ഇതെന്തോന്ന് കോടതിയോ.. നാണമില്ലേടി..
നമ്മള് പോരുന്ന വഴിക്ക് റോഡിൽ ഒരു നായയെ കണ്ടില്ലേ അതും കൂടെ പറഞ്ഞു കൊടുക്ക്…..”
ഞാൻ കളിയാക്കിയതോടെ
അതോടെ അവളുടെ മുഖം വാടി.
“പോടാ പട്ടീ.. നിന്നെപ്പോലല്ല എന്റെ കുഞ്ഞിന്റെ മനസ്സില് കളങ്കല്ലാ …
അമ്മേടെ ചക്കര പറഞ്ഞോടാ… !
ലച്ചു എന്നെ ആക്രമിച്ചു കൊണ്ട് അവളെ പ്രോത്സാഹിപ്പിച്ചു.
മടിയിൽ ഇരുത്തി അമ്മുവിനെ ഇടുപ്പിലൂടെ കയ്യിട്ട് ചേർത്ത് പിടിച്ചിട്ടുണ്ട് ലച്ചു. അമ്മുവാകട്ടെ കൈ രണ്ടും അമ്മയുടെ കഴുത്തിലൂടെ ചുറ്റി മടിയിൽ അമർന്നിരിക്കുന്നു. അവളുടെ സംസാരത്തിന്റെ നിഷ്കളങ്കത കണ്ടിട്ടോ എന്തോ ഇടക്ക് ലച്ചു അവളെ മുറുക്കിയണച്ച് ഉമ്മ വെക്കുന്നുണ്ട്….
ലച്ചുവിനെ കിട്ടിയപ്പോ അവളെന്നെ ഒന്ന് നോക്കുന്നത് കൂടി ഇല്ലാ.. തെണ്ടി…
“ചോറുണ്ടോ വീട്ടീന്ന്…?
അവളുടെ താടിക്ക് പിടിച്ചുയർത്തി കൊണ്ട് അമ്മ ചോദിച്ചു…
“ഉം.. ഞാൻ കഴിച്ചു… കണ്ണേട്ടൻ കഴിച്ചിട്ടില്ല…… “
അമ്മു മറുപടി നൽകി…
“ആ അവൻ വേണേൽ തിന്നോളും.. ”
ഒട്ടും താല്പര്യമില്ലാത്ത മട്ടിൽ ലച്ചു മറുപടി നൽകി.
“പിന്നൊരു കാര്യം.. ഈ മുടിയിങ്ങനെ ശ്രദ്ധിക്കാതെ നടന്ന അമ്മേടെ കയ്യീന്ന് അടി കിട്ടും കേട്ടല്ലോ..”
അമ്മുവിന്റെ മുട്ടറ്റം നീളമുള്ള മുടിയുടെ അറ്റം കയ്യിലെടുത്തു കൊണ്ട് ലച്ചു ഉപദേശിച്ചു.
” ഓരോ പെണ്ണുങ്ങൾക്ക് മുടി ഇല്ലാഞ്ഞിട്ട്…. അപ്പഴാ ഇങ്ങനെ..
ശ്രദ്ധിക്കാതെ…… “
ലച്ചു തനി അമ്മായിയമ്മയായി.
“എന്താ മുടീല് തേക്കാറ്…,?
“ഒന്നും ഇല്ലമ്മേ ആദ്യം കാച്ചെണ്ണ തേച്ചിരുന്നു. ഇപ്പോ അതും നിർത്തി…. ”
അമ്മു ഒന്ന് കൂടി ചേർന്നിരുന്ന് മറുപടി നൽകി..
“അമ്മ നാളെ കഞ്ഞുണ്ണി വെളിച്ചെണ്ണ ണ്ടാക്കി തരാട്ടോ….
നല്ല കറുപ്പ് കിട്ടും മുടിക്ക്. തണുപ്പും ണ്ടാവും…. ”
ലച്ചു അവളുടെ മുടിയിലൂടെ കയ്യോടിച്ചു കൊണ്ട് പറഞ്ഞു.
“ഇതൊക്കെ കൊറേ ഓവറാട്ടോ..
പിഞ്ചു കുഞ്ഞല്ലേ മടീൽ കേറ്റി ഇരുത്താൻ… ”
അവരുടെ കുറുകൽ എനിക്ക് എന്തോ ഇഷ്ടപ്പെട്ടില്ല. ഒരു തരം അസൂയ !
“കണ്ണട്ടനെന്താ ഇത്ര ചൊറിച്ചില് ഞാൻ അമ്മേടെ മടീലല്ലേ ഇരിക്കണേ…?
അമ്മു എന്നെ തിരിഞ്ഞു നോക്കികൊണ്ട് ദേഷ്യപ്പെട്ടു..
“ഡീ നീ ലച്ചൂന്റെ ധൈര്യത്തില് വല്ലാണ്ട് ചാടണ്ട … നിന്നെ എന്റെ കയ്യില് കിട്ടും… ”
ഞാനവളെ കണ്ണുരുട്ടി പേടിപ്പിച്ചു. ലച്ചു കൂടെയുള്ളപ്പോൾ ഒരു പ്രത്യേക വീമ്പാണ് പെണ്ണിന്..
“പിന്നെ നീ എന്റെ കുഞ്ഞിനെ ഞൊട്ടും ! ഇതിനെ ഓരോന്ന് പറഞ്ഞ് കരയിച്ചാൽ നിന്റെ തല ഞാൻ അടിച്ചു പൊളിക്കും !
ലച്ചു എന്റെ നേരെ കൈചൂണ്ടി സീരിയസായാണത് പറഞ്ഞത്..അമ്മു അതിന്റെ ഗമയിൽ എന്നെ നോക്കി വായ പൊത്തി ചിരിച്ചു..
ഇനി ഒന്നും പറയാതിരിക്കുന്നതാണ് എന്റെ തടിക്ക് നല്ലത്.അന്ന് തല്ലിയതിന്റ കലിപ്പ് തന്നെ തടിച്ചിയുടെ മനസ്സിൽ നിന്ന് പോയിട്ടില്ല…
എന്തിനാ വെറുതെ…
“മോളെ നീ അവന് ചോറ് വിളമ്പികൊടുത്തേ..
ഇല്ലെങ്കി സ്വൈര്യം തരൂല ജന്തു !
ലച്ചു അമ്മുവിനോടായി പറഞ്ഞു കൊണ്ട് എന്നെ നോക്കി
“ഓഹ് എനിക്ക് അമ്മ വിളമ്പി തന്നാ മതി…. “
ഞാൻ ഹാളിൽ നിന്ന് വിളിച്ചു പറഞ്ഞു. ഒരു മനസുഖം അത്രേ ഒള്ളൂ..
“അല്ലെങ്കിലും എനിക്ക് സൗകര്യം ഇല്ലാ.. ഞാനൊന്ന് കുളിക്കട്ടെ അമ്മേ….. ”
അമ്മു എന്നെ പുച്ഛിച്ചു കൊണ്ട് ചവിട്ടി പൊളിച്ചു അകത്തേക്ക് പോയി.രണ്ട് ദിവസം മുൻപ് വരെ ഉമ്മറത്തു നിന്ന് അകത്തേക്ക് കേറണമെങ്കിൽ അവളെ പ്രത്യേകിച്ച് ക്ഷണിക്കണമായിരുന്നു.ഇപ്പൊ അവളുടെ മട്ടും ഭാവവും കണ്ടാൽ കുറെ കാലങ്ങളായിട്ട് ഇവിടെ താമസിക്കുന്ന പോലെയാണ്.അല്ലെങ്കിലും ഏത് സാഹചര്യങ്ങളോടും വളരെ പെട്ടന്ന് പൊരുത്തപ്പെടാൻ പെണ്ണുങ്ങൾക്കുള്ള കഴിവ് അപാരം തന്നെയാണ്..
അന്തം വിട്ട് നിന്ന എന്നേം വലിച്ചു കൊണ്ട് പോയി ലച്ചു ചോറ് വിളമ്പിത്തന്നു.ഞാൻ ചോറുണ്ട് എണീറ്റപ്പോഴാണ് അമ്മു എന്റെ റൂമിലെ കുളിമുറിയിൽ നിന്നിറങ്ങി പുറത്തേക്ക് വരുന്നത്.എന്നെ കണ്ടതും മുഖം കോട്ടി കൊണ്ട് കടന്ന് പോവാൻ ശ്രമിച്ച അവളെ ഞാൻ പിടിച്ച് നിർത്തി.. ഒരിത്തിരി കുറുമ്പൊടെ പെണ്ണ് എന്റെ കണ്ണിലേക്കു തുറിച്ചു നോക്കി…
“വെഷമായോ… ഞാൻ ചുമ്മാ പറയണതാടോ.. “
അവളുടെ മുഖം പിടിച്ചുയർത്തികൊണ്ട് ഞാൻ പറഞ്ഞു.
“അതൊക്കെ എനിക്കറിയാ അമ്മ കാണും വിട്ടേ… ഞാൻ പോട്ടെ….. ”
പെണ്ണിന് മുൻപെങ്ങും ഇല്ലാത്തൊരു പരിഭ്രമം.
“ഇന്നമ്മേടെ റൂമിലാ തന്റെ പൊറുതി..”
ഞാൻ ആ നനുത്ത കവിളിൽ മുഖമുരസിക്കൊണ്ട് പറഞ്ഞു.
“അതിനെന്താ…?
“ഒന്നൂല്ല.. ഞാനാണെന്ന് കരുതി ഇതൊന്നും എടുത്ത് കുടിക്കാൻ കൊടുക്കണ്ട….”.
അവളുടെ മാർക്കുടങ്ങളിൽ തലോടിക്കൊണ്ട് ഞാൻ ചിരിച്ചു.ഞാൻ പറഞ്ഞതിൽ ഒരു തെറ്റും ഇല്ലാ.. ഒരുറക്കം കഴിയുമ്പോഴൊക്കെ ചില ദിവസങ്ങളിൽ
ചോദിക്കാതെ തന്നെ പെണ്ണ് എന്റെ വായിലേക്ക് തിരുകി തന്ന് കുടിപ്പിക്കാറുണ്ട്. കൊച്ചു കുഞ്ഞുങ്ങളെപ്പോലെ ഞാനത് നുണഞ്ഞു കൊടുത്താൽ അവൾ സുഖമായിട്ടുറങ്ങും..
പക്ഷെ അതിന്റെ മറുപടി നല്ല ഒന്നാന്തരം നുള്ളാണ് കിട്ടിയത്..
കെറുവിച്ചു കൊണ്ട് പെണ്ണ് മുഖം താഴ്ത്തി..
“മാറിക്കെ ഞാൻ പോട്ടെ..”
അവളെന്റെ കൈ ബലമായി പിടിച്ച് മാറ്റാൻ നോക്കി..
“ഒറ്റക്ക് കിടക്കുമ്പോ ഓർക്കാൻ എന്തെങ്കിലും തന്നിട്ട് പോടീ.. ”
ഞാൻ പറഞ്ഞത് മനസ്സിലായിട്ടും പെണ്ണ് ഉണ്ടക്കണ്ണുകൾ പിടപ്പിച്ച്
ഒരു നിമിഷം എന്നെ തന്നെ നോക്കി.പിന്നെ പതിയെ മുഖമടുപ്പിച്ച് ആ പവിഴാധരങ്ങൾ എന്റെ കവിളിൽ പതിപ്പിച്ച് അനങ്ങാതെ കുറച്ച് നേരം നിന്നു.
“പോട്ടേ ട്ടോ…
ഫോണില് കളിച്ചോണ്ടിരിക്കാതെ വേഗം ഉറങ്ങക്കോണം”,
രാവിലെ എണീറ്റ് അമ്പലത്തിൽ പോണം.. നേരത്തെ എണീക്കണം.. കേട്ടല്ലോ..
ഉണ്ടക്കണ്ണുരുട്ടി ഉപദേശവും കിട്ടി ബോധിച്ചു.എന്നെ വിട്ടുകൊണ്ട് അവൾ റൂമിൽ നിന്ന് ഇറങ്ങിപ്പോയി. അപ്പോഴേക്കും അവളെ കാണാതെ ലച്ചു വിളിച്ചന്വേഷിക്കാൻ തുടങ്ങിയിരുന്നു.
ഞാൻ അവൾ തന്നെ വിരിച്ചിട്ടിട്ട് പോയ എന്റെ കിടക്കയിലേക്ക് മറിഞ്ഞു.എന്റെ പെണ്ണിന്റെ മാറിന്റെ ചൂടുപറ്റാതെ ഉറക്കം വരാൻ വല്യ പാടാണ് ഇപ്പൊ.അല്ലെങ്കിൽ പിന്നെ ലച്ചുവിനെ ഒട്ടിച്ചേർന്നു കിടക്കണം. ഇതിപ്പോ രണ്ടും ഇല്ലല്ലോ…
ഉറക്കം വരാതെ ഞാൻ തിരിഞ്ഞും മറിഞ്ഞും കിടന്നു. സമയം ആകെ പത്തുമണി ആവുന്നേ ഒള്ളൂ.വാട്സാപ്പിൽ കയറി സമയത്തെ കൊല്ലാനൊരു ശ്രമം നടത്തി. എവിടുന്ന്.. അമ്മു ഓൺലൈൻ ഇല്ലാ. അതെങ്ങനെയാ കിടക്കയിൽ നിന്ന് ഫോണിൽ കളിക്കാൻ ലച്ചു പണ്ടേ സമ്മതിക്കില്ല. അല്ലെങ്കിലും വാട്സപ്പൊന്നും പഴയ പോലെ രസമില്ല.സ്റ്റാറ്റസ് ഇട്ട് വെറുപ്പിക്കുന്ന കുറെ വാണങ്ങൾ മാത്രേ അതിലുള്ളൂ.ജിഷ്ണുവിന്റെയൊക്കെ സ്റ്റാറ്റസ് കണ്ടാൽ പെറ്റ തള്ള സഹിക്കില്ല. ടിക്ടോക്കിൽ നിന്ന് കുറെ ഊമ്പിയ പ്രണയ ഡയലോഗും കൊണ്ട് ഇറങ്ങിക്കോളും തെണ്ടി. അവനെ ഞാൻ മ്യുട്ട് ചെയ്ത് വെച്ചതായിരുന്നു കുറെ കാലം. ഇപ്പഴും ഒരു മാറ്റവും ഇല്ലാ.. !
അങ്ങനെ ഓരോരുത്തരുടെ സ്റ്റാറ്റസ് സ്ക്രോൾ ചെയ്ത് പോവുന്നതിന്റെ ഇടക്കാണ് ചിന്നുവിന്റെ സ്റ്റാറ്റസ് ശ്രദ്ധയിൽ പെട്ടത്. എന്റെ പഴയ ഏതോ ഒരു ഫോട്ടോ എടുത്ത് സ്റ്റാറ്റസ് ആക്കി ‘മൈൻ ‘ എന്ന് കാപ്‌ഷൻ കൊടുത്തിരിക്കുന്നു.അത് കണ്ടപ്പോൾ മനസ്സ് നിറഞ്ഞു..
ഉടൻ തന്നെ അവൾക്ക് ഡയൽ ചെയ്തു…
“ചിന്നൂസെ ഉറങ്ങീല്ലേഡാ…
“ഇല്ലേട്ടാ.. ഞാൻ ചുമ്മാ അമ്മയോട് കത്തി വെച്ച് കിടക്കാണ്… ”
അവൾ ചെറു ചിരിയോടെ മറുപടി നൽകി.
“പിന്നെന്തായി നിങ്ങടെ പിണക്കം ?
“ആ അതൊക്കെ മാറി പെണ്ണെ.
ഇപ്പോ വീട്ടിലാ.. അവൾ അമ്മേടെ റൂമിലും ഞാൻ എന്റെ റൂമിലും.. ”
ഞാൻ ഒറ്റശ്വാസത്തിൽ മറുപടി നൽകി..
“നിന്നെ ഭയങ്കര മിസ്സിങ്ങാ പെണ്ണെ.. .. “
പറയേണ്ടെന്ന് വെച്ചതാണെങ്കിലും സത്യം തന്നെ ആയിരുന്നു അത്..
“അയ്യോ ഇന്നെന്റെ ആങ്ങളക്ക്
സ്നേഹം ഒഴുകുവാണല്ലോ.. “
മറുതലക്കൽ. ചിന്നു ചിരിക്കുകയാണ്..
“പോടീ പട്ടീ ഞാൻ സീരിയസായിട്ട് പറഞ്ഞതാ നിനക്കിവിടെ വന്ന് നിന്നൂടെ?
“അപ്പൊ അമ്മയെ എന്ത് ചെയ്യും ചെക്കാ?
“അമ്മയേം കൂട്ടണം..!
“ അതൊക്കെ നമുക്ക് പിന്നെ ആലോചിക്കാം..ട്ടോ ഇപ്പോ മോൻ സമാധാനിച്ചെ…”
“എനിക്ക് നിന്നെ കാണാൻ തോന്നുവാ പൊട്ടിക്കാളീ… ”
ഞാൻ വിഷമത്തോടെ പറഞ്ഞു..
“അതിനെന്താ ഞാൻ നാളെ രാവിലെ അവിടെത്തും.. ഇപ്പൊ ഉറങ്ങിക്കെ.. ഉമ്മാഹ്.. സ്വീറ്റ് ഡ്രീംസ്… ”
ആദ്യമൊക്കെ ചിരിച്ചെങ്കിലും അവസാനമെത്തിയപ്പോഴേക്കും അവളുടെ ശബ്ദത്തിലും നിരാശയും ദുഖവും നിഴലിച്ചിരുന്നു….
അങ്ങനെ കിടന്ന് ഉറങ്ങിപ്പോയി. രാവിലെ ലച്ചു വന്ന് തട്ടി വിളിച്ചപ്പോഴാണ് ഉറക്കമുണർന്നത്.
“എണീറ്റെ ചെക്കാ..
അമ്പലത്തിൽ പോണ്ടേ..?
“അമ്പലത്തില് നാളെ പോവാ..
ഇന്ന് വയ്യാ….
ഞാൻ ഉറക്കച്ചടവിൽ പറഞ്ഞു കൊണ്ട് വീണ്ടും ചുരുണ്ടു കൂടി..
“വാക്ക് പറഞ്ഞാൽ വാക്കായിരിക്കണം തെണ്ടീ !
ആ പെണ്ണ് രാവിലെ ഒരുങ്ങി നിക്കാണ്…..
“ഓരോരോ ശല്യങ്ങള്… !
ഞാൻ കണ്ണും തിരുമ്മികൊണ്ട് എണീറ്റു. നോക്കുമ്പോൾ ലച്ചുവും
കുളിയൊക്കെ കഴിഞ്ഞ് സാരി ചുറ്റി നിൽക്കുകയാണ്..
“ന്നാ വേഗം കുളിച്ച് വാ…”
തോർത്തെന്റെ നേരെ എറിഞ്ഞു തന്നുകൊണ്ട് അമ്മ റൂമിൽ നിന്ന് പോയി..
കുളിച്ചിറങ്ങി വന്നപ്പോൾ അലക്കിത്തേച്ച മുണ്ടും ഷർട്ടും കൊണ്ട് അമ്മു വന്നു.സെറ്റ് സാരിയുടുത്തപ്പോൾ ഭംഗി കുറച്ച് കൂടി കൂടിയ പൊലെ.നല്ല ഐശ്വര്യം.ഞാനവളെ കണ്ണെടുക്കാതെ നോക്കി നിന്ന് പോയി…..
പക്ഷെ മുഖത്ത് ഒരു മൂടികെട്ടല് പ്രകടമാണ്..
“എന്താഡി.. ഒരു തെളിച്ചം ഇല്ലാതെ..?
ഞാനവളുടെ കൈത്തണ്ടയിൽ പിടിച്ച് വലിച്ച് ചേർത്ത് നിർത്തി..
“അമ്മ ന്നലെ അച്ഛനോട് സൂചിപ്പിച്ചു നമ്മടെ കാര്യം….
ഒരിക്കലും സമ്മതിക്കൂലെന്ന പറഞ്ഞെ…. !
അവൾ താഴേക്ക് നോക്കി പതിയെ പറഞ്ഞു..
“അതൊക്കെ ശരിയാകും പെണ്ണെ.. ഇന്ന് പോവുമ്പോ നന്നായിട്ടൊന്ന് പ്രാർത്ഥിച്ച മതി..
എന്റെ ആശങ്ക ഉള്ളിൽ തന്നെ കുഴിച്ചു മൂടി ഞാനവളെ സമാധാനിപ്പിച്ചു..
“അമ്മ എല്ലാം പറഞ്ഞോ..?
“ഇല്ലാ.. കണ്ണന് ഒരു കല്യാണം കഴിഞ്ഞ കുട്ടിയെ ഇഷ്ടാണ് ന്നെ പറഞ്ഞുള്ളൂ….. അപ്പഴേക്കും അച്ഛൻ ചൂടായി. അമ്മക്ക് പാവം നല്ലോണം കേട്ടു… ”
എന്റെ ഷർട്ടിന്റെ ബട്ടണുകൾ ഇട്ടുതരുന്നതിനിടെ അവൾ പതിഞ്ഞ താളത്തിൽ പറഞ്ഞു.
“അതൊക്കെ നമ്മക്ക് ശരിയാക്കാം പെണ്ണെ.. നീ ബേജാറാവല്ലേ….
അതൊക്കെ ലച്ചു നോക്കിക്കോളും..”.
ഞാൻ അവളെയും കൂട്ടി റൂമിന് പുറത്തേക്കിറങ്ങി..
അപ്പഴേക്കും അച്ഛമ്മയും ലച്ചുവും റെഡി ആയി നിക്കുവാണ്.അച്ഛമ്മ എന്നെ നോക്കി വല്ലാത്തൊരു ചിരി ചിരിച്ചു.പിന്നെ അമ്മുവിന്റെ കയ്യും പിടിച്ചു മുന്നിൽ പടനയിച്ചു.
“നിങ്ങടെ അമ്മായിയമ്മ ആള് ശരിയല്ലട്ടോ.. മനുഷ്യനെ നോക്കി തൊലിയുരിക്കുന്നു….. “
ഞാൻ ലച്ചുവിന്റെ തോളിലൂടെ കയ്യിട്ട് ചെവിയിൽ പറഞ്ഞു.
അപ്പോൾ പാടത്തെ വരമ്പിലൂടെ അച്ഛമ്മയെ കൈ പിടിച്ചു മുന്നിൽ നടത്തിക്കുകയാണ് അമ്മു.
“നന്നായി പോയി.. സ്വന്തം മരുമോളുടെ കാമുകനെ പിന്നെ
മാലയിട്ട് സ്വീകരിക്കണമായിരിക്കും…. “
എന്നെ തേച്ചൊട്ടിച്ചുകൊണ്ട് ലച്ചുവിന്റെ മറുപടി എത്തി..
“നിങ്ങള് തമ്മില് അവിഹിതം ആണെന്നാ പുള്ളിക്കാരി ആദ്യം കരുതിയെ… !
കുറച്ച് ദൂരം കൂടെ പിന്നിട്ട് കഴിഞ്ഞപ്പോൾ ലച്ചു തിരിഞ്ഞു നിന്ന് പതിയെ പറഞ്ഞു.
ശരിക്കും?..
ഞാൻ അവിശ്വസനീയതയോടെ കണ്ണുരുട്ടി..
“സത്യം. ഉണ്ണിയോട് എല്ലാം വിളിച്ചറിയിക്കണം എന്നും പറഞ്ഞാണ് എന്റടുത്ത്‌ വന്നത് .ഞാൻ പറഞ്ഞ് സമാധാനിപ്പിച്ചപ്പോഴാണ് ഒന്നടങ്ങിയെ… “
“ചാവേറായിട്ട് ഞാൻ ണ്ടല്ലോ പിന്നെ എപ്പഴും.. ..!
വല്ലാത്തൊരു ഭാവത്തോടെ ലച്ചു എന്നെ നോക്കി പറഞ്ഞു. ഉള്ളിൽ തട്ടി പറഞ്ഞ ആ വാക്കുകൾ എനിക്ക് ശരിക്ക് കൊണ്ടു.ഒരു കാര്യം സത്യമാണ് ലോകത്ത് വേറെ ഒരമ്മയും സ്വന്തം മകന് ഇത്രേം സപ്പോർട്ടും സ്നേഹവും കൊടുത്ത് കാണില്ല.അങ്ങനെയുള്ള ലച്ചുവാണ് ഞാൻ കാരണം തീ
തിന്നോണ്ടിരിക്കുന്നത്.ഭാരിച്ച മനസ്സുമായി ഞാൻ ഏറ്റവും പിറകിൽ നടന്നു.
“ആഹ് എല്ലാരും ണ്ടല്ലോ….
ഇന്നെന്തെലും വിശേഷം ണ്ടോ..,?
കൗണ്ടറിലിരിക്കുന്ന അശോകേട്ടൻ ഞങ്ങളെ നോക്കി ചിരിച്ചു കൊണ്ട് ചോദിച്ചു.
“വിശേഷം ഒന്നൂല്ല.. എല്ലാരും കൂടെ ഇങ് പോന്നു അത്രേ ഒള്ളൂ..”
അച്ഛമ്മ വഴിപാട് എഴുതിയ തുണ്ട് കടലാസ് അശോകേട്ടനു നേരെ നീട്ടി കൊണ്ട് ചിരിച്ചു.
“ഞാൻ ദൂരത്ത്‌ന്ന് ഈ കുട്ടീനെ കണ്ടപ്പോ കണ്ണന്റെ കല്യാണം കഴിഞ്ഞൂന്ന് കര്തി.. ഇപ്പഴാ മനസ്സിലായെ
ഇത് ഉണ്ണീന്റെ ഭാര്യല്ലേ….?
അതിനാരും ഒന്നും മിണ്ടിയില്ല
ചിരിക്കാൻ ശ്രമിച്ചു കൊണ്ട് ഞങ്ങൾ പരസ്പരം നോക്കി.
കാര്യം അമ്പലത്തിലേക്ക് വല്യ ദൂരം ഒന്നും ഇല്ലെങ്കിലും ഞാൻ അപൂർവമായിട്ടേ അമ്പലത്തിൽ വരാറുള്ളൂ.ഉത്സവത്തിനും മറ്റ് വിശേഷ ദിവസങ്ങളിലും മാത്രം.അന്ന് തന്നെ ചിലപ്പോൾ ഉള്ളിൽ കയറി തൊഴുകാറൊന്നും ഇല്ലാ.. ദൈവത്തിനോട് വിരോധം ഒന്നും ഉണ്ടായിട്ടല്ല.ദൈവാനുഗ്രഹം കിട്ടാൻ അമ്പലത്തിൽ വരേണ്ട എന്നാണ് ഞാൻ ചിന്തിക്കാറ്.
പിന്നെ ഇടക്ക് യുക്തിവാദത്തിന്റെ അസ്കിതയും ഉണ്ട്. വിവരക്കേട് വേണ്ടുവോളം ണ്ടല്ലോ.! ഇതിലെല്ലാമുപരി രാവിലെ കുളിച്ചൊരുങ്ങി പോരാനുള്ള
മടിയാണ് പ്രധാന കാരണം.ഏറ്റവും മുന്നിൽ അച്ഛമ്മ പിന്നെ ലച്ചു, അമ്മു പിന്നിൽ ഞാൻ ഈ ക്രമത്തിലാണ് അമ്പലത്തിനുള്ളിലേക്ക് കയറിയത്. സ്ഥിര സന്ദർശകയായ അച്ഛമ്മക്ക് പ്രത്യേകിച്ചൊന്നും പറയാൻ ഇല്ലാത്തോണ്ട് പെട്ടന്ന് പ്രദക്ഷിണം വെച്ചു പോവുന്നുണ്ട്. ലച്ചുവും അധികം സമയമൊന്നും എടുക്കുന്നില്ല. എന്നാൽ എന്റെ മുൻപിലുള്ള കക്ഷി കണ്ണടച്ച് ഒരുപാട് സമയം എന്തൊക്കെയോ പറയുന്നുണ്ട്.ഒന്നും വ്യക്തമല്ല.അവളെ മറികടന്ന് പോയി പ്രദക്ഷിണം വെച്ചാലോന്ന് വരെ ഞാൻ ആലോചിച്ചു.
“മതി പെണ്ണെ.. ഇനീം കഴിഞ്ഞില്ലേ ?
സഹികെട്ട് ഞാൻ അവളുടെ ചെവിയിൽ ചോദിച്ചു
അത് കേട്ടതും ഉണ്ടക്കണ്ണുരുട്ടി എന്നെയൊന്നു നോക്കി !
ഹൊ ഭദ്രകാളി !
പിന്നെ ഞാൻ ഒന്നും മിണ്ടാൻ പോയില്ല.ക്ഷമയോടെ അവളുടെ പിന്നാലെ നടന്ന് പ്രദക്ഷിണം തുടർന്നു. ഞാൻ നോക്കുമ്പോൾ അമ്മയും അച്ഛമ്മയും ഗണപതിയുടെ പ്രതിഷ്ഠക്ക് മുന്നിൽ ഏത്തമിടുന്നത് പൊലെ വണങ്ങി പ്രദക്ഷിണം തുടരുന്നുണ്ട്.
അടുത്ത പണി !
ഇത്രേം കാലമായിട്ട് ഞാൻ ഗണപതി ഭഗവാനെ അങ്ങനെ വണങ്ങീട്ടില്ല. അവിടെ എത്തുമ്പോൾ നൈസ് ആയിട്ട് കടന്ന് കളയാറാണ് പതിവ്.വേറെ ഒന്നും കൊണ്ടല്ല ചെറുപ്പത്തിൽ വളരെയധികം ലജ്‌ജാ ശീലമുള്ള കൂട്ടത്തിലായിരുന്നു ഞാൻ. ആൾക്കാർ നോക്കി നിൽക്കെ അതൊക്കെ ചെയ്യുന്നത് എനിക്ക്
മടിയായിരുന്നു.കോളേജിൽ പോയി തുടങ്ങിയതിൽ പിന്നെയാണ് ഈ നാണം ഒക്കെ മാറിയത്. അങ്ങനെ ഓരോന്ന് ചിന്തിച്ചു നടക്കുന്നതിനിടെ എന്റെ മുന്നിലുള്ള അമ്മുവും വിഘ്‌നേശ്വരനെ വണങ്ങി മുന്നോട്ട് നീങ്ങി. അവള് കാണാതെ നൈസ് ആയിട്ട് കൈ കൂപ്പി മുങ്ങാൻ നോക്കിയ ഞാൻ പിടിക്കപ്പെട്ടു.എന്നെ നോക്കി നിക്കുവാണ് പെണ്ണ്.അങ്ങനെ ആദ്യമായി ഞാൻ വിഘ്‌നേശ്വരന്റെ മുന്നിൽ തല കുമ്പിട്ടു വണങ്ങി.ചെയ്തു കഴിഞ്ഞപ്പോൾ എന്തെന്നില്ലാത്ത ചാരിതാർഥ്യമായിരുന്നു എനിക്ക്. തിരുമേനിയിൽ നിന്ന് തീർത്ഥം വാങ്ങി പ്രദക്ഷിണം പൂർത്തിയാക്കി ഞാൻ പുറത്തിറങ്ങി.
“അവിടെ നിന്നേ.. “
എനിക്ക് പിന്നാലെ പുറത്തിറങ്ങിയ അമ്മു പിറകിൽ നിന്ന് വിളിച്ചപ്പോൾ ഞാൻ നടത്തം നിർത്തി. അവൾ അല്പം വേഗത്തിൽ നടന്ന് വന്ന് എന്റെ നെറ്റിയിൽ ചന്ദനക്കുറി വരച്ചു തന്നു.
“അമ്പലത്തിൽ കേറീട്ട് കുറിയിടാതെ പുറത്തിറങ്ങുന്ന
ഏക ജീവിയാണ് ന്റെ മോൻ…”
ലച്ചുവിന്റെ വക കമന്റ്.
“ഓഹ് ഞാൻ നന്നായില്ലെങ്കിലും നിങ്ങളൊക്കെ നന്നായാ മതി….”
ഒറ്റപെട്ടു പോയ ഞാൻ ചെറുത്തു നില്പിന് ശ്രമിച്ചു.
“ആഗ്രഹങ്ങളൊക്കെ പൂർത്തിയാവാണെങ്കില് ഈശ്വരൻ തന്നെ കനിയണം കുട്ട്യേ..”
അച്ഛമ്മ എന്നെ നോക്കികൊണ്ട് പതിയെ പറഞ്ഞു.നടി ഉദ്ദേശിച്ചത് മനസ്സിലായത് കൊണ്ട് ഞാൻ പിന്നെ ഒന്നും മിണ്ടാൻ പോയില്ല.
അതിനിടെ അമ്മു ഉള്ളിൽ നടന്നതൊക്കെ അത് പൊലെ ലച്ചുവിന്റെ ചെവിയിൽ ഓതികൊടുക്കുന്നുണ്ടായിരുന്നു.ഇവളുടെ ഈ സ്വഭാവം എത്രയും പെട്ടന്ന് നിർത്തിയില്ലെങ്കിൽ പണിയാണല്ലോ.?
ഞാൻ മനസ്സിൽ ഓർത്തു.
“കഷ്ടം..!
എല്ലാം കേട്ട് കഴിഞ്ഞപ്പോൾ ലച്ചു എന്റെ നേരെ കൈമലർത്തി.പിന്നെ അമ്പലമുറ്റത്തിന് പുറത്തേക്ക് കടന്ന് ചെരുപ്പിട്ട് അമ്മുവിനെയും കൊണ്ട് നടത്തം തുടങ്ങി.വീട്ടിലെത്തിയപ്പോഴേക്കും നന്നായി വിശന്നിരുന്നു.ചായ
കുടിക്കാനുള്ള ഒരുക്കങ്ങൾക്കായി ലച്ചുവും അമ്മുവും അടുക്കളയിലേക്ക് പോയി.ഉമ്മറത്ത്‌ ഞാനും അച്ഛമ്മയും തനിച്ചായി.
ഇത് തന്നെ അവസരം !
പുറത്തേക്ക് നോക്കിയിരിക്കുന്ന ലക്ഷ്മികുട്ടിയുടെ അടുത്തേക്ക് കസേര നീക്കിയിട്ടുകൊണ്ട് ഞാൻ ചേർന്നിരുന്നു. അച്ഛമ്മ മോണ കാട്ടി ചിരിച്ചു കൊണ്ട് എന്റെ തലയിൽ കൈ ഉയർത്തി തഴുകി.
“അച്ഛമ്മ, എന്നെ ഒരു മോശം ചെക്കനായി കാണരുത് ട്ടോ.. ”
ഞാൻ അച്ഛമ്മയുടെ ചുളിഞ്ഞുണങ്ങിയ കൈ എന്റെ കയ്യിൽ വെച്ചു കൊണ്ട് പറഞ്ഞു. അപ്പോഴും ആ മുഖത്തേക്ക് നോക്കാൻ ഞാൻ അശക്തനായിരുന്നു.
“ഒക്കെ അന്റമ്മ പറഞ്ഞു… തെറ്റ് പറ്റ്യേത് ഇക്കാണ്.. ചെറിയ മകനല്ലേന്ന് കരുതി കൊഞ്ചിച്ചത്‌ കൊറച്ചേറി…. “
ഉണ്ണിമാമയെ പറ്റി പറഞ്ഞപ്പോഴേക്കും ആ കണ്ണുകൾ നിറഞ്ഞിരുന്നു.
“ആ പെണ്ണിനെ നല്ലോണം നോക്കണട്ടോ…
പച്ചപ്പാവാണത്.. !
എന്റെ നെറുകിൽ തലോടിക്കൊണ്ട് അച്ഛമ്മ തുടർന്നു.
“ഓള് എന്നെ പൊന്ന് പൊലെ നോക്കും അച്ഛമ്മാ..”
ഞാൻ സന്തോഷത്തോടെ പറഞ്ഞു കൊണ്ട് അച്ഛമ്മയുടെ മടിയിലേക്ക് തലവെച്ചു.മനസ്സിൽ നിന്ന് വലിയൊരു ഭാരം ഒഴിഞ്ഞു പോയ പോലെ തോന്നി എനിക്ക്. പിറകിൽ നിന്ന് കാൽപ്പെരുമാറ്റം കേട്ടപോലെ തോന്നി തിരിഞ്ഞു നോക്കിയപ്പോൾ അമ്മു കണ്ണ് നിറച്ച് വാതിൽ പടിയിൽ ഞങ്ങളെ നോക്കി നിൽക്കുന്നുണ്ട്.ഒരു തേങ്ങലോടെ പാഞ്ഞു വന്ന് അവൾ അച്ഛമ്മയെ കെട്ടിപിടിച്ചു കരയാൻ തുടങ്ങി.
“എന്തിനാ പെണ്ണെ ഇജ്ജ് കരയ്ണെ ഇജ്ജൊരു തെറ്റും ചെയ്തിട്ടില്ലല്ലോ “.
അവളുടെ പുറത്ത് തലോടിക്കൊണ്ട് അച്ഛമ്മ നിർവികാരതയോടെ പറഞ്ഞു.
അമ്മു എന്നിട്ടും കരച്ചില് നിർത്തീട്ടില്ല. പണ്ടേ തൊട്ടാവാടി ആണല്ലോ..
“അന്നോട് കരയല്ലെന്നാ പറഞ്ഞത്..
നിർത്തിട്ടില്ലെങ്കി ന്റെ കുണ്ടൻ വടീനെക്കൊണ്ട് ഒന്ന് തരും !
നല്ലോണം കര്തിക്കോ… “
അച്ഛമ്മ ചിരിയോടെ പറഞ്ഞു അവളെ പിടിച്ചെഴുന്നേല്പിച്ചു.
“പരമാവധി സഹിച്ചതാ . തീരെ കഴിയാഞ്ഞപ്പഴാ ഞാൻ… “
അവൾ തൊണ്ടയിടറിക്കൊണ്ട് പറഞ്ഞ് അച്ഛമ്മയെ നോക്കി..
“ഒക്കെ ഇക്കറിയാ…മകന്റെ ഭാര്യ ആണെങ്കിലും ഇന്റെ പേരക്കുട്ടി ആവണ്ട പ്രായൊള്ളൂ അണക്ക്..
ഇജ്ജെന്തിനാ വെർതെ ജീവിതം കളയ്ണത്… ”
“ഇജ്ജ് കണ്ണന് വേണ്ടി ജനിച്ച പെണ്ണാണ്.
ഇങ്ങള് തമ്മില് കണ്ട് മുട്ടാൻ ഉണ്ണി ഒരു കാരണായീന്നൊള്ളൂ… ”
അച്ഛമ്മ രണ്ട് പേരുടെയും തലയിൽ കൈവെച്ചാണത് പറഞ്ഞത്.അച്ഛമ്മയുടെ വാക്കുകൾ കേട്ട് മനം നിറഞ്ഞ അമ്മു എന്നെ ഒളികണ്ണിട്ട് നോക്കി. ഞാൻ കവിള് വീർപ്പിച്ച്
അവളെ നോക്കി കോക്രി കാട്ടി.
“കണ്ണീർ സീരിയല് കഴിഞ്ഞെങ്കി
എല്ലാരും വന്ന് ചായ കുടിച്ച് പാത്രം ഒഴിവാക്കി തന്നാ വല്യ ഉപകാരം.. !
ഉമ്മറത്തെ വാതിൽപ്പടിയിൻമേൽ ഇതൊക്കെ കണ്ടാസ്വദിച്ചു നിക്കാണ് ലച്ചു.
“ഇതിനും മാത്രം കണ്ണീര് അണക്കെവിടുന്ന പെണ്ണെ ഞങ്ങക്കാർക്കും ഇല്ലല്ലോ “..
ലച്ചു ലാലേട്ടന്റെ ഡയലോഗിന്റെ ശൈലിയിൽ അമ്മുവിനോടായി പറഞ്ഞു ചിരിച്ചു.
അമ്മു അതിഷ്ടപ്പെടാത്ത മട്ടിൽ ചുണ്ട് കോട്ടി ചിണുങ്ങി കൊണ്ട് ലച്ചുവിന്റെ നേരെ കുണുങ്ങി ചെന്നു.അപ്പഴേക്കും ലച്ചു ചിരിയോടെ അവളെ വരിഞ്ഞു മുറുക്കിയിരുന്നു.
“ന്റെ കാന്താരിക്ക് ഇപ്പൊ സമാധാനായീലെ…?
“ഉം.. ”
അമ്മു ഒന്ന് മൂളിയതേ ഒള്ളൂ…
ലച്ചു ചിരിയോടെ അമ്മുവിന്റെ പുറത്ത് തലോടിക്കൊണ്ട് അവളെ ഒന്നൂടെ മുറുക്കി.പിന്നെ അവളെ ചേർത്തണച്ചു കൊണ്ട് തന്നെ അടുക്കളയിലേക്ക് നടന്നു.ഇവര് കഴിഞ്ഞ ജന്മത്തില് അമ്മയും മകളും ആയിരുന്നോ എന്നെനിക്ക് സംശയം തോന്നിത്തുടങ്ങിയിട്ടുണ്ട്.ഇതൊക്കെ എന്നും ഉണ്ടായാൽ മതിയായിരുന്നു.
ചായകുടി കഴിഞ്ഞ് വെറുതെ ഇരിക്കുമ്പോഴാണ് മനു വിളിക്കുന്നത്.
“എന്നാലും റാങ്ക് കിട്ടീട്ട് ഇത്രേം ദിവസായിട്ട് ഒരു മുട്ടായി.. ഏ ഹേ”
പരാതി പറയാൻ വിളിച്ചതാണ് തെണ്ടി.
“നീ കൂടുതൽ കെടന്ന് മെഴുകണ്ട
ഏതാ വേണ്ടെന്ന് പറ….. ”
അവന്റെ ഉദ്ദേശം മനസ്സിലായ ഞാൻ ചിരിയോടെ പറഞ്ഞു.ജിഷ്ണുവിന്റേയും സുധിയുടെയും ശബ്ദം ഒക്കെ കോറസായിട്ട് കേൾക്കാമായിരുന്നു.
“ചോദിക്കാനുണ്ടോ വൈറ്റ് റം ഏതാണേലും വാങ്ങിക്കോ… ”
അവൻ ഒറ്റയടിക്ക് ഉത്തരം നൽകി
“പോയി വാങ്ങാൻ പറ്റൂല എത്രയാന്ന് വെച്ചാൽ ചുരുട്ടി കൈയിലൊട്ടങ് തരും..!
“മേടിക്കാൻ ഞങ്ങക്കറിയാം നീ ഇങ്ങോട്ടൊന്ന് എഴുന്നള്ളിയ മതി!
നാറികൾ പ്ലാൻ ചെയ്ത് വിളിച്ചതാണ്.
“അമ്മേ നമ്മടെ ഫെഡറൽ ബാങ്കിന്റെ കാർഡ് എവിടെയാ വെച്ചേക്കുന്നേ.. ?
ഫോൺ വെച്ച് ഞാൻ അടുക്കളയിലേക്ക് നടന്ന് ലച്ചുവിനെ മുട്ടിയുരുമ്മി കൊണ്ട് ചോദിച്ചു. തൊട്ടപ്പുറത് നിന്ന് അമ്മു ഇതെല്ലാം ശ്രദ്ധിക്കുന്നുണ്ട്.
“നമ്മടെ അല്ല എന്റെ.. നിനക്കെവിടുന്നാ കാർഡ്..?
ലച്ചുവിന് അൾട്ടിമേറ്റ് പുച്ഛം.. !
“ഓ സമ്മതിച്ചു. എനിക്കൊരു രണ്ടായിരം രൂപ വേണം.. ”
“എന്തിനാ..?
“ഫ്രണ്ട്സിനു ചെലവ് ചെയ്യാനാ…”
“അല്ല അപ്പൊ മറ്റേ കാർഡ് മൊത്തം തീർത്തോടാ ദ്രോഹി. !
ലച്ചു അവിശ്വസനീയതയോടെ എന്നെ നോക്കി
“അതൊക്കെ എന്നോ തീർന്നു പെണ്ണെ….”
ഞാൻ ആ വിചാരണ ഒഴിവാക്കാനായി ലച്ചുവിനെ പിറകിലൂടെ കെട്ടിപിടിച്ചു തോളിലേക്ക് തലവെച്ചു.
“പത്തിരുപതിനായിരം രൂപ നീ എന്ത് ചെയ്തു ?
അത് പറഞ്ഞിട്ട് മതി ഇനി പുതിയ പൈസ. ഇതൊന്നും എനിക്ക് വെറുതെ കിട്ടുന്നതല്ലാ… ”
ലച്ചുവിന്റെ ഭാവം മാറിത്തുടങ്ങിയിരുന്നു..
“എനിക്കൊരു ഫോൺ വാങ്ങി തന്നിരുന്നു… ”
അമ്മു ഇടക്ക് കേറി കുറ്റസമ്മതം നടത്തിക്കൊണ്ട് അമ്മയുടെ കയ്യിൽ പിടിച്ചു.
“അത് പറഞ്ഞാപ്പോരേ.. ഞാൻ ഈ നാറി വല്ല ഉടായിപ്പ് കാണിച്ചു
തീർത്തതാണെന്ന് കരുതീട്ടാ.. !
ലച്ചു ക്ഷമാപണത്തോടെ പറഞ്ഞു കൊണ്ട് അവളെ ചേർത്ത് പിടിച്ചു.
“പിന്നേ ചെലവ് കൊടുത്താ മതി അതില് പങ്കെടുക്കേണ്ട.. കേട്ടല്ലോ.. ”
ലച്ചു എന്നെ വാൺ ചെയ്തു..
“പേഴ്സീന്ന് കാർഡ് എടുത്ത് പെട്ടന്ന് പോയിട്ട് വാ. വരുമ്പോ ബിരിയാണിക്കുള്ള എല്ലാ സാധനവും വേടിച്ചോ. ഇന്ന് അമ്മൂന്റെ സ്പെഷ്യൽ ബിരിയാണി ആണ് ഉച്ചക്ക് !
“വന്നാലുടൻ കാർഡ് പെണ്ണിനെ ഏൽപ്പിച്ചോണം !
നിന്റെ കയ്യില് വെക്കണ്ടാ… !
“ഓഹ് അല്ലെലും ആർക്ക് വേണം.. ”
അടുക്കളയിൽ നിന്ന് പോരുമ്പോൾ ഞാൻ പുച്ഛത്തോടെ പറഞ്ഞു.
അങ്ങാടിയിൽ എത്തിയപ്പോൾ കെ ആർ ബേക്കറിയുടെ മുന്നിൽ തന്ന ഇളിച്ചുകാട്ടി നിൽക്കുന്നുണ്ട് എല്ലാം.നേരെ എ ടി എമ്മിൽ കേറി പൈസ എടുത്തിട്ടാണ് അവരുടെ അടുത്തേക്ക് പോയത്.
പൈസ കിട്ടിയ ഉടനെ എന്നെ മൈൻഡ് പോലും ചെയ്യാതെ മനുവും നന്ദുവും ബൈക്കെടുത്ത്‌ വരി നിക്കാൻ പോയി.ജിഷ്ണുവിനേയും സഫ്‌വാനെയും തനിച്ചു കിട്ടിയപ്പോൾ ഞാൻ കാര്യങ്ങളെല്ലാം തുറന്ന് പറഞ്ഞു.
“എടാ മൈരാ.. !”
എല്ലാം കേട്ടു കഴിഞ്ഞപ്പോൾ ജിഷ്ണു അത്ഭുതത്തോടെ എന്നെ നോക്കി.ആദ്യം കളിയാക്കിയെങ്കിലും സംഗതി സീരിയസാണെന്ന് മനസ്സിലായപ്പോൾ ഫുൾ സപ്പോർട്ട് വാഗ്ദാനം ചെയ്തിട്ടാണ് അവർ പോയത്.
ബിരിയാണിക്കുള്ള സാധനങ്ങളൊക്കെ ഓർത്തെടുത്ത്‌ വാങ്ങി വന്നപ്പോഴേക്കും അരമണിക്കൂർ കഴിഞ്ഞു. അപ്പോഴാണ് വീട്ടിലേക്ക് വരാൻ ഓട്ടോ സ്റ്റാൻഡിനരികിലൂടെ തലകുനിച്ചു നടന്ന് പോകുന്ന ചിന്നുവിനെ കണ്ടത്.പിന്നിലൂടെ ചെന്ന് അവളെ ചാരി വണ്ടി നിർത്തിയപ്പോൾ പെണ്ണ് ഞെട്ടലോടെ തിരിഞ്ഞു നോക്കി.ഞാനാണെന്ന് മനസ്സിലായപ്പോൾ ഒരു ഇളിഭ്യൻ ചിരിയോടെ അവൾ ബൈക്കിൽ കേറി ഇരുന്നു.പട്ടി ഷോ കാണിച്ചതിന് നല്ലൊരു നുള്ളും ഞാൻ കൈപറ്റി !
“ആഹാ ഈ പെണ്ണിനെ എവിടുന്ന്
കിട്ടി.. ?
എന്റെ പിന്നിൽ ആതിരയെ കണ്ടതും ഉമ്മറത്തേക്ക് വന്ന ലച്ചു ചിരിയോടെ തിരക്കി. അപ്പഴേക്കും പാൽപ്പല്ലുകൾ കാട്ടി അനുവും ഉമ്മറത്തേക്ക് വന്നു.
“ചിന്നൂസെ വാടീ… ”
മടിച്ചു നിന്ന ചിന്നുവിനെ ചിരിയോടെ വന്ന് അനു ഉള്ളിലേക്ക് കൂട്ടി കൊണ്ട് പോയി.മൂന്നും കൂടി നേരെ അടുക്കളയിലേക്ക് പോയ പോക്കാണ്. പിന്നെ തിരിച്ചു വരുന്നത് ഏകദേശം പന്ത്രണ്ടു മണി ആയപ്പോഴാണ്..
“എന്തെങ്കിലും ഗെയിം കളിച്ചാലോ ഏട്ടാ.. “
ലച്ചുവിന്റെ കത്തി കേട്ട് മടുത്തിട്ടോ എന്തോ ചിന്നു ഉമ്മറത്തിരിക്കുന്നതിനിടെ എന്നെ നോക്കി ചോദിച്ചു..
“കാരംസ് കളിച്ചാലോ ഇവിടെ ബോഡ് ഉണ്ട്…. ”
ഞാൻ മറുപടി നൽകി
” എടുത്തോണ്ട് വാടാ ഒരു കൈ നോക്കാം.. !
ലച്ചു വെല്ലുവിളിയോടെ പറഞ്ഞു.
“നീ ഇല്ലേ കളിക്കാൻ..?
ഒന്നും മിണ്ടാതിരിക്കുന്ന അമ്മുവിനെ നോക്കി ഞാൻ ചോദിച്ചതും ചിന്നു കളിയാക്കി കൊണ്ട് ചുമച്ചു.
“ആ കളിച്ചു നോക്കാം ”
അവൾ മടിച്ചുകൊണ്ട് പറഞ്ഞു.
ഞാൻ റൂമിൽ പോയി കട്ടിലിന്റെ അടിയിൽ വെച്ചിരിക്കുന്ന ബോർഡും കോയിൻസും എടുത്ത് തിരിച്ചു വന്നു.സ്റ്റാൻഡ് എടുത്ത് സഹായിക്കാൻ ചിന്നുവും കൂടെ വന്നിരുന്നു.
“നമുക്കൊരു ടീമാവാട്ടോ.. “
റൂമിൽ നിന്ന് പുറത്തേക്കിറങ്ങുന്നതിനിടെ അവൾ പതിയെ പറഞ്ഞപ്പോൾ ഞാൻ തലകുലുക്കി സമ്മതിച്ചു.
“ഞങ്ങളോട് കളിക്കാൻ ധൈര്യം ണ്ടോ..?
എല്ലാം ഉമ്മറത്തു കൊണ്ട് പോയി സെറ്റ് ചെയ്തപ്പോ ഞാൻ ചിന്നുവിനെ ചേർത്ത് പിടിച്ച് ലച്ചുവിനെയും അമ്മുവിനെയും വെല്ലുവിളിച്ചു.
“നിന്റെ അച്ഛനെ പേടിച്ചിട്ടില്ല പിന്നെയാണോ നിന്നെ !
എന്റെ വെല്ലുവിളി ഇഷ്ടപ്പെടാത്ത ലച്ചു എന്നെ തേച്ചൊട്ടിച്ചു.
“നീ വാ പെണ്ണേ.. ഇവനൊക്കെ ഈ ഡയലോഗെ ഒള്ളൂ.നമ്മള് ഈസിയായിട്ട് ജയിക്കും ”
മടിച്ചു നിന്ന അമ്മുവിനെ പിടിച്ചെഴുന്നേല്പിച്ചു കൊണ്ട് പറഞ്ഞു ലച്ചു യുദ്ധത്തിന് തയ്യാറായി.
ഞാനൊരാവേശത്തിനു വെല്ലുവിളിച്ചൂന്നേ ഒള്ളൂ തടിച്ചി നല്ല ഉഗ്രൻ പ്ലെയറാണ്.ഒരു ടൈമിൽ ഞങ്ങൾക്ക് രണ്ടാൾക്കും ഇത് തന്നെ ആയിരുന്നു പണി. അന്നൊക്കെ രണ്ട് പേരും കട്ടക്കായിരുന്നു.അമ്മുവിന് കളി അറിയില്ലാന്ന് അവളുടെ മുഖത്ത് നിന്ന് വ്യക്തമാണ്.
അങ്ങനെ കളി തുടങ്ങി. അമ്മുവും ചിന്നുവും തരക്കേടില്ലാതെ കളിക്കുന്നുണ്ട്. ഒരു കോയിൻ ഇടാൻ രണ്ട് കളി ആണ് അവരുടെ കണക്ക്. പ്രധാന എതിരാളികൾ ഞാനും ലച്ചുവും തന്നെ.തടിച്ചിയുടെ ചില കട്ടുകൾ കണ്ട് എന്റെ കിളി പറന്നു പോവുന്നുണ്ടായിരുന്നു.ചിന്നുവാകട്ടെ ഓരോ കളി മിസ്സാക്കി ബോർഡിനെ കുറ്റം
പറയാൻ തുടങ്ങി. പൊടിയില്ല, ബോർഡ് പോരാ എന്നൊക്കെയായി അവളുടെ പരാതികൾ.അമ്മു ആദ്യമായിട്ട് കളിക്കുകയാണെങ്കിലും വളരെ പെട്ടന്ന് ഇമ്പ്രൂവ് ആവുന്നുണ്ടായിരുന്നു. വാശിയേറിയ പോരാട്ടത്തിൽ ഒരു കളി ഞങ്ങളും ഒരു കളി അവരും ജയിച്ചു.
“ഇത് ഫൈനലാട്ടോ.. ചോറുണ്ണാൻ സമയായി… ”
മൂന്നാമത്തെ കളി തുടങ്ങുന്നതിനു മുന്നേ ലച്ചുവിന്റെ അനൗൺസ്മെന്റ് വന്നു.കളിച്ചു കളിച്ചു അവസാനം രണ്ട് പേർക്കും ഓരോ കോയിൻ മാത്രമായി.രണ്ട് പേരുടെ കോയിനും ഒരെ പോക്കറ്റിന്റെ വക്കത്ത്‌ ഏത് നിമിഷവും ചാടാവുന്ന അവസ്ഥയിൽ മുട്ടിയുരുമ്മി നിൽക്കുന്നു.ആദ്യം എന്റെ കളിയാണ് അത് കഴിഞ്ഞാൽ അമ്മുവിന്റെ കളിയും.കണ്ണടച്ച് സ്ട്രൈക്കർ വിട്ടാലും കോയിൻ വീഴുമെന്നതിന്റെ അഹങ്കാരത്തിൽ ഞാൻ ലച്ചുവിനെയും അവളെയും നോക്കി ജാഡ കാണിച്ചു.
“ജയിച്ചിട്ട് ഷോ കാണിക്കെടാ..”
ലച്ചു എന്നെ അപ്പോഴും തളർത്താൻ നോക്കുവാണ്..
അമ്മുവിനെ നോക്കിയപ്പോൾ അവൾ ആരും കാണാതെ ദയനീയമായി എന്നെ നോക്കി.ഇടല്ലേ എന്ന അർത്ഥത്തിൽ കണ്ണുകൊണ്ട് കാണിച്ചു.എന്റെ കളി മിസ്സായാൽ അവൾക്ക് ഈസിയായി ജയിപ്പിക്കാം.. !
“പ്രലോഭനങ്ങളിൽ വീഴരുത്.. ട്ടോ
കണ്ണേട്ടാ… !
അമ്മുവിന്റെ ചേഷ്‌ഠകൾ ശ്രദ്ധിച്ച ചിന്നു എനിക്ക് മുന്നറിയിപ്പ് നൽകി. അപ്പഴേക്കും എന്റെ ഇടതു വശത്തിരിക്കുന്ന അമ്മു ബോർഡിനടിയിലൂടെ എന്റെ ഇടത്തെ കയ്യിൽ മുറുക്കെ പിടിച്ചു എന്റെ കണ്ണിലേക്കു നോക്കി.
“അതാ… കയ്യീന്ന് വഴുതി പോയി.. ഛെ… ”
സ്ട്രൈക്കർ മനപ്പൂർവം ബോർഡിന്റെ ചട്ടയിലടിപ്പിച്ച് ഗതി മാറ്റി വിട്ട് ഞാൻ ചിന്നുവിനെ നോക്കി നിസ്സഹായത അഭിനയിച്ചു.
അമ്മയെ വെല്ലുവിളിച്ചു കൊണ്ടിരുന്ന അവളെന്നെ ദേഷ്യത്തോടെ തുറിച്ചു നോക്കി..
അപ്പഴേക്കും സ്ട്രൈക്കർ കൈയ്യിലൊതുക്കി അമ്മു അവരുടെ കോയിൻ ഇട്ട് കളി ജയിച്ചിരുന്നു…
“ഈ പെൺകോന്തൻ മനഃപൂർവം കളി മിസ്സാക്കിയതാ.. ”
ചിന്നു ദേഷ്യത്തോടെ എന്റെ തലപിടിച്ചു താഴ്ത്തിക്കൊണ്ട് പറഞ്ഞു..
“എടീ ഒരു മിസ്സോക്കെ ആർക്കും വരൂലേ…. “
ഞാൻ ചിരിയടക്കി കൊണ്ട് അവളെ നോക്കി.കലിപൂണ്ട് നിക്കുവാണ് പെണ്ണ്.അതിനിടെ ലച്ചു അവളുടെ മുഖത്ത് തോണ്ടി കളിയാക്കി കൊണ്ട് എന്തൊക്കെയോ പറയുന്നുണ്ട്. അതാണ് ചിന്നുവിന്റെ ദേഷ്യത്തിന്റെ പ്രധാന കാരണം.
“പോയി കളി പഠിച്ചിട്ട് വാടാ ചെള്ള് ചെക്കാ.. പെണ്ണുങ്ങളോട് തോൽക്കാൻ നാണം ഇല്ലല്ലോ.. ”
അമ്മ അനുവിനെ വിജയാഹ്ലാദത്തിൽ കെട്ടിപിടിച്ചു കൊണ്ട് പറഞ്ഞു.
“ഞാൻ മനപ്പൂർവം തോറ്റു തന്നതാ തള്ളേ മോളോട് ചോദിച്ചു നോക്ക് !
“അയ്യേ നാണമില്ലല്ലോ തോറ്റിട്ട് കള്ളത്തരം പറയാൻ
പോയി കളി പഠിച്ചിട്ട് വാ.. !
എന്നെ ഞെട്ടിച്ചു കൊണ്ട് അമ്മുവാണ് അത് പറഞ്ഞത്.ഒരു മിനിറ്റ് മുൻപ് കണ്ട ഭാവം ഒന്നും അല്ല പെണ്ണിന്റെ മുഖത്ത്..ലച്ചുവിന്റെ കൂടെ ചാടി തുള്ളികൊണ്ട് അവൾ അടുക്കളയിലേക്ക് പോയി.
“മഹാമനസ്കത കാട്ടീട്ടിപ്പോ എന്തായി… തൃപ്തിയായല്ലോ? ”
എന്റെ തലക്ക് പിടിച്ച് തള്ളി കൊണ്ട് ചിന്നു ഉറഞ്ഞു തുള്ളി…
“പോട്ടെ പെണ്ണേ.. ഇനിയൊരവസരം കിട്ടിയാ നമ്മളവരെ കണ്ടം വഴി ഓടിക്കും!
അവളുടെ തോളിലൂടെ കയ്യിട്ട് അടുക്കളയിലേക്ക് നടക്കുന്നതിനിടെ ഞാൻ ചിന്നുവിനെ സമാധാനിപ്പിച്ചു.
പെണ്ണിന്റെ ബിരിയാണി അടിപൊളിയായിരുന്നു പക്ഷെ ഞാനത് പരസ്യമായി പറയാനൊന്നും പോയില്ല. ലച്ചുവിന് ഈഗോ അടിക്കേണ്ട എന്ന് വിചാരിച്ചു.പത്തിരുപതു വർഷം വെച്ച് വിളമ്പി തരുന്ന അമ്മയുടെ പാചകത്തിനെ കുറിച്ച് ഒരു നല്ലവാക്ക് പോലും പറയാത്ത മക്കൾ ഇന്നലെ വന്ന് കയറിയ ഭാര്യയുടെ പാചകം പുകഴ്ത്തുമ്പോൾ അവരുടെ മാനസികാവസ്ഥ ഊഹിച്ചു നോക്കിയിട്ടുണ്ടോ..
ശുദ്ധ നെറികേടാണത് !
എന്റെ ഭാഗം കൂടെ ചിന്നു പറയുന്നുണ്ടായിരുന്നു.കഴിപ്പ് തുടങ്ങിയപ്പോ മുതൽ തീരുന്നത് വരെ അവൾ അമ്മുവിനെ പ്രശംസിച്ചു കൊണ്ടിരുന്നു.ഇടക്ക് എന്റെ പ്ലേറ്റിലും കയ്യിട്ട് വാരി പെണ്ണ്..
“ദാ ഇതിലിഷ്ടം പോലെ ഉണ്ട് പെണ്ണേ…. “
എന്റെ പ്ലേറ്റിൽ കയ്യിട്ട് വാരി തിന്നുന്നത് കണ്ടപ്പോൾ ലച്ചു ബിരിയാണി പാത്രം അവളുടെ അടുത്തേക്ക് നീക്കി..
“അയ്യോ അത് കൊണ്ടല്ല.. എനിക്കിങ്ങനെ ചെയ്യാനൊന്നും വേറെ ആരും ഇല്ലാ..സോറി… ”
ചിന്നു ചിരിക്കാൻ ശ്രമിച്ചു കൊണ്ട് അവളുടെ പ്ലേറ്റിലേക്ക് തല താഴ്ത്തി.അത് കേട്ടപ്പോൾ എല്ലാർക്കും വല്ലാതെ ഫീലായെന്ന് അവരുടെ മുഖം വിളിച്ചു പറയുന്നുണ്ടായിരുന്നു.
“ഏട്ടന്റെ കാന്താരി വാ തുറന്നെ…”
ഞാൻ കയ്യിൽ ഉരുളയെടുത്തുകൊണ്ട് അവൾക്ക് നേരെ നീട്ടി.അവൾ നിറ കണ്ണുകളോടെ എന്റെ അടുത്തേക്ക് നീങ്ങിയിരുന്ന് അത് സ്വീകരിച്ചു.
“നിനക്കെപ്പോ വേണമെങ്കിലും ഇങ്ങോട്ട് വരാം ഇത് നിന്റെ സ്വന്തം വീടാണ്. ഞാൻ സ്വന്തം എട്ടനും.ഏത് ആവശ്യവും ഞാൻ നടത്തി തരും..
ഇനി എന്നോട് പറയാൻ പറ്റാത്ത കാര്യങ്ങളാണെങ്കിൽ അമ്മയോടും ചേച്ചിയോടും പറയാം…
കേട്ടല്ലോ..!
ഞാൻ ലച്ചുവിനെയും അമ്മുവിനെയും ചൂണ്ടി പറഞ്ഞു കൊണ്ട് അവളുടെ മൂർദ്ധാവിൽ തലോടി.അവൾ തലയാട്ടി സമ്മതം അറിയിച്ചു.
ലച്ചുവും അച്ഛമ്മയും അമ്മുവും എല്ലാം ആ കാഴ്ച മിണ്ടാതെ നോക്കിയിരിക്കുകയായിരുന്നു.ഇടക്ക് ലച്ചു സാരി തലപ്പ് കൊണ്ട് കണ്ണ് തുടക്കുന്നതും ഞാൻ ശ്രദ്ധിച്ചു…
എന്റെ അഭിപ്രായം ഒന്നും കിട്ടാത്തതിനാൽ അമ്മു അസ്വസ്ഥയായിരുന്നു. അമ്മുവിന്റെയും ചിന്നുവിന്റെയും നടുവിലാണ് ഞാൻ കഴിക്കാൻ ഇരിക്കുന്നത്. അതിനിടെ അച്ഛമ്മയും ലച്ചുവും കൂടെ പുകഴ്ത്തിയപ്പോൾ അവൾക്ക് അസ്വസ്ഥത കൂടിയത് ഞാൻ ശ്രദ്ധിച്ചു.ആകാംഷയോടെ എന്നെ ഇടയ്ക്കിടെ പാളി നോക്കുന്നുണ്ടായിരുന്നു.
“അതൊന്ന് കഴിച്ചോട്ടെ ചേച്ചി,
നോക്കി ശല്യപ്പെടുത്താതെ.. !
ചിന്നു എല്ലാം കാണുന്നും നോട്ട് ചെയ്യുന്നുമുണ്ട്.
“പോടീ…
ചിന്നുവിന്റെ ഡയലോഗ് ഇഷ്ടപ്പെടാതെ അവൾ കുറുമ്പൊടെ മുഖം വെട്ടിച്ചു.പിന്നെ കഴിച്ച് തീരുന്നത് വരെ എന്നെ നോക്കിയതേ ഇല്ലാ..
സാധാരണ എല്ലാവർക്കും മുന്നേ കഴിച്ചെണീക്കാറുള്ള ഞാൻ അന്ന് മനഃപൂർവം വൈകിപ്പിച്ചു പ്ലേറ്റിൽ ചിത്രം വരച്ചു കൊണ്ടിരുന്നു.അമ്മു പിന്നെ പണ്ടേ അരമണിക്കൂർ എടുക്കും കഴിച്ച് തീരാൻ.എല്ലാവരും എണീറ്റ് പോയപ്പോൾ
ഞാനും അവളും മാത്രമായി.ആരും ശ്രദ്ധിക്കുന്നില്ലെന്ന് ഉറപ്പു വരുത്തി കൊണ്ട് ഞാൻ അടുത്തേക്ക് നീങ്ങി അവളുടെ കവിളിൽ ഉമ്മവെച്ചു.
“സൂപ്പറായിട്ട്ണ്ട് കുഞ്ഞൂ…”
“ആ പെണ്ണ് കാണും…..!
അവൾ എന്നെ തള്ളി മാറ്റിയെങ്കിലും എന്റെ പ്രവർത്തി അവൾക്ക് നല്ലോണം ബോധിച്ചിട്ടുണ്ടെന്ന് ആ മുഖത്ത് നിന്ന് മനസ്സിലായി.കഴിച്ച് തീർത്ത്‌ എന്റെ പ്ലേറ്റും വാങ്ങി അവൾ എണീറ്റു അടുക്കളയിലേക്ക് പോയി.ഞാൻ വാഷ് ബേസിനടുത്തേക്കും !
ഭക്ഷണം കഴിഞ്ഞ് എല്ലാവരും ഹാളിലാണ്.അച്ഛമ്മ ടൈൽസിട്ട നിലത്ത് കിടന്ന് മയങ്ങുന്നുണ്ട്.ലച്ചു സോഫയിൽ ചാരി ഇരുന്ന് മടിയിൽ തലവെച്ചു കിടക്കുന്ന അമ്മുവിനെ തലോടിക്കൊണ്ടിരിക്കുന്നു.ചിന്നുവും ഞാനും അവരുടെ എതിർ ദിശയിൽ ചുമരിൽ ചാരി ഇരുന്ന് ഫോണിൽ ലുഡോ കളിച്ചു കൊണ്ടിരിക്കുന്നു.ഫാൻ ഹൈസ്പീഡിൽ കറങ്ങുന്നുണ്ട് .എല്ലാരും വയറു നിറച്ചു ഭക്ഷണം കഴിച്ചതിന്റെ ആലസ്യത്തിൽ ഇരിക്കുമ്പോഴാണ് ലച്ചുവിന്റെ ഫോൺ ശബ്ദിക്കുന്നത്.
“അച്ഛനാടാ…. “
ലച്ചു എന്റെ നേരെ ഫോൺ ഉയർത്തി കാണിച്ചു കൊണ്ട് പറഞ്ഞു.പതിവില്ലാത്ത ഒരു പരിഭ്രമം ആ മുഖത്തുണ്ട്.
“എണീറ്റെ പെണ്ണേ.. അച്ഛൻ വിളിക്കുന്നുണ്ട്.. ”
മടിയിൽ കിടന്ന് മയങ്ങിപ്പോയ അനുവിനെ പിടിച്ചെഴുന്നേല്പിച്ചു കൊണ്ട് ലച്ചു സോഫയിൽ നിന്നെണീറ്റു.ഉറക്കം മുറിഞ്ഞതിന്റെ നിരാശയിൽ അമ്മു എല്ലാരേയും ഉറ്റുനോക്കി. അച്ഛന്റെ കോൾ വന്നതൊന്നും അവൾ അറിഞ്ഞിട്ടില്ല..
“വരുന്നത് വരട്ടെ ഞാൻ എല്ലാം പറയാൻ പോവാട്ടോ..
ആരാ ആളെന്ന് ചോദിച്ച് എനിക്കൊരു സ്വൈര്യം തരുന്നില്ല”
ലച്ചു എന്നെ നോക്കി പറഞ്ഞു…
“ആഹ് എത്ര നാളെന്ന് വെച്ചാ…
അമ്മ പറഞ്ഞോ..
ആദ്യം ഇവളുടെ അവസ്ഥ പറയണം അപ്പഴേ വർക്ക്‌ ഔട്ട്‌ ആവൂ.. ”
ഉള്ളിലെ തീ പുറത്ത് കാണിക്കാതെ ഞാൻ അനുവാദം നൽകി.കാര്യം പിടികിട്ടിയ അമ്മു പേടിയോടെ എന്നെ നോക്കി.
“ഹെലോ… “
ഫോണെടുത്തു കൊണ്ട് ലച്ചു വാതിൽ തുറന്ന് പുറത്തേക്ക് പോയി.
“മുത്തപ്പാ… ഇക്ക് പേടിയാവ്ണു… “
അമ്മു സോഫയിൽ നിന്നെണീറ്റ് എന്റെ നേരെ പാഞ്ഞു വന്നുകൊണ്ട് എന്നെ കെട്ടിപ്പിടിച്ചു മാറിലേക്ക് മുഖം പൂഴ്ത്തി കമിഴ്ന്നു കിടന്നു.
“പേടിക്കണ്ട ചേച്ചി അതൊക്കെ അമ്മ നോക്കിക്കോളും…. “
ചിന്നു അവളെ സമാധാനിപ്പിച്ചു കൊണ്ട് എന്നെ നോക്കി. അവളുടെ മുഖത്തും ആശങ്കയുണ്ടായിരുന്നു.
ലച്ചുവിന്റെ ശബ്ദം അവ്യക്തമായി മുറ്റത്തു നിന്ന് കേൾക്കാം.. പാവം ഞങ്ങളെ ഒന്നിപ്പിക്കാൻ വല്ലാതെ കഷ്ടപ്പെടുന്നുണ്ട്.തേർഡ് അമ്പയറിന്റെ തീരുമാനത്തിന് വേണ്ടി ഞങ്ങൾ ആശങ്കയോടെ കാത്തിരുന്നു.
“പേടിക്കണ്ട അച്ഛൻ എതിർക്കുവാണെങ്കി നിങ്ങള് വീട്ടിലേക്ക് പോര് നമുക്കവിടെ കഴിയാം…. “
ചിന്നു എന്നെ ആശ്വസിപ്പിച്ചു കൊണ്ട് പറഞ്ഞു.നെറുകിൽ ഉമ്മവെച്ച് അവളെ ചേർത്ത് പിടിക്കാനല്ലാതെ എനിക്കൊന്നും പറയാൻ തോന്നീല..
എന്റെ തോളിലേക് തലവെച്ചുകൊണ്ട് ചിന്നുവും എന്റെ മാറിലേക്ക് മുഖം പൂഴ്ത്തികൊണ്ട് അമ്മുവും അവരുടെ ആശങ്കകൾ മറക്കാൻ പരിശ്രമിച്ചു.എന്റെ ഉള്ളിലെ ഭയവും ടെൻഷനും ഞാൻ ആരോട് പറയും. മറ്റൊന്നും അല്ല അച്ഛനുമായി പിണങ്ങേണ്ടി വരുമോ എന്നോർത്താണ് എന്റെ ഭയം.കടുത്ത നിശബ്ദതയിൽ അവരെ ചേർത്ത് പിടിച്ചുകൊണ്ട് ഞാൻ വിധിക്കായി കാതോർത്തിരുന്നു.
കുറച്ചധികം സമയം കഴിഞ്ഞാണ് ലച്ചു ഫോൺ കോൾ കഴിഞ്ഞ് വന്നത്..
“സീനാണ് മക്കളെ .. “
അകത്തേക്ക് കടന്ന് കൊണ്ട് ലച്ചു നിരാശയോടെ പറഞ്ഞു.
“എന്ത് പറ്റി അമ്മാ.. “
അമ്മു എണീറ്റ് പോയി ലച്ചുവിനെ കെട്ടിപ്പിടിച്ചു ആശങ്കയോടെ ചോദിച്ചു…
“അയാള് മുട്ടൻ കലിപ്പിലാണ്. തല പോയാലും സമ്മതിക്കൂല..
എല്ലാത്തിനെയും ശരിയാക്കി തരാം എന്നൊക്കെയാ പറയുന്നേ..
വല്ലാതെ ചൊറിഞ്ഞപ്പോൾ ഞാൻ ഫോൺ വെച്ചു. ”
ലച്ചു അമ്മുവിനെ ചേർത്ത് പിടിച്ചുകൊണ്ട് പറഞ്ഞു.
“നിനക്കിപ്പോ ഒരു കാൾ വരാൻ ചാൻസ് ഉണ്ട്….
ലച്ചു എന്നെ നോക്കി പറഞ്ഞു കൊണ്ട് അമ്മുവിനെ ചുറ്റിപിടിച്ച്
സോഫയിലേക്കിരുന്നു.അമ്മു അപ്പോഴേക്കും വിതുമ്പാൻ തുടങ്ങിയിരുന്നു.
“നീ എന്തിനാടീ കെടന്ന് മോങ്ങുന്നേ.. അമ്മ നമ്മടെ കൂടെ ഇല്ലേ .. അച്ഛൻ സമ്മതിച്ചില്ലെങ്കിലും ഞാൻ നിന്നെ കെട്ടും.. “
അമ്മുവിന്റെ കരച്ചില് കണ്ട് എനിക്ക് ദേഷ്യം വന്നു.
“പക്ഷെ അച്ഛൻ സമ്മതിക്കാതെ ഞാൻ കല്യാണത്തിന് വരൂല.. ”
ലച്ചു എടുത്തടിച്ചപോലെ മറുപടി നൽകി.. ഞാൻ അവിശ്വസനീയതയോടെ നോക്കുമ്പോൾ ലച്ചു തുടർന്നു
“നീ നോക്കണ്ട ഒന്നും ഇല്ലെങ്കിലും അങ്ങേര് നമുക്ക് വേണ്ടീട്ടാ ഇത്രേം കാലം ജീവിച്ചത്..
അതിന്റെ നന്ദി എങ്കിലും കാണിക്കണ്ടെ? “
പിന്നെ എനിക്കൊന്നും പറയാൻ തോന്നീല.പറഞ്ഞതിൽ തെറ്റൊന്നും ഇല്ലാ…
“നീ കെടന്ന് കരയാതെ പെണ്ണേ..
ഇനി എന്ത് ഭൂകമ്പം ഉണ്ടായാലും നീയല്ലാതെ ഒരു പെണ്ണും ഇവന്റെ ഭാര്യയായിട്ട് ഈ പടി കേറൂല.. അതെന്റെ വാക്കാ…. “
അമ്മുവിനെ പിടിച്ചെഴുന്നേൽപ്പിച്ച്
കണ്ണ് തുടച്ചു കൊണ്ട് ലച്ചു പറഞ്ഞു
അതോടെ പെണ്ണിന്റെ മുഖം തെളിഞ്ഞു അവളൊന്ന് ഉഷാറായി.
“എന്നെ കൊണ്ടാക്കിത്താ ഏട്ടാ.. “
ചിന്നു കയ്യിൽ തൂങ്ങി കൊണ്ട് പറഞ്ഞു.അവളുടെ അനവസരത്തിൽ ഉള്ള ഡയലോഗ് എനിക്കത്ര ഇഷ്ടപെട്ടില്ലങ്കിലും ഒരു കണക്കിന് ഇവിടുന്ന് പോവുന്നത് നല്ലതാണെന്നു തോന്നി. ഈ വീർപ്പുമുട്ടലിൽ നിന്ന് ഒരു മോചനം ആവുമല്ലോ
“എന്നാ വാ… നീ പോരുന്നുണ്ടോ..?
ഞാൻ അമ്മുവിനെ നോക്കി ചോദിച്ചു.അവൾ സംശയത്തോടെ എന്നെ നോക്കി.
“വാ ചേച്ചി, എന്റെ വീട് കണ്ടിട്ടില്ലല്ലോ..?
ചിന്നു അവളെ നിർബന്ധിച്ചു..
“പൊയ്ക്കോട്ടേ അമ്മേ…?
അമ്മു ലച്ചുവിന് നേരെ തിരിഞ്ഞു..
“ആ പോയിട്ട് വാ….
സൂക്ഷിച്ചു പോണേ… ”
ലച്ചുവിന്റെ അനുവാദം കിട്ടിയതോടെ പെണ്ണ് ആവേശത്തോടെ റെഡിയായി.മൂന്ന് പേരും കൂടെയാണ് പോയത്. എല്ലാം തീപ്പെട്ടി കൊള്ളികൾ ആയതു കൊണ്ട് പ്രയാസം ഉണ്ടായില്ല.
വീട്ടിലെത്തിയ ഉടനെ ചിന്നു അമ്മുവിനെയും കൂട്ടി അകത്തേക്ക് പോയി അമ്മക്ക് പരിചയപ്പെടുത്തി.കുറച്ച് നേരം സംസാരിച്ചതിന് ശേഷം ഞങ്ങൾ പോവാനായി ഉമ്മറത്തേക്ക് വന്നു. അപ്പോ ചിന്നു പരുങ്ങലോടെ എന്റെ അടുത്തേക്ക് വന്നു.അവൾക്കെന്തോ പറയാനുണ്ടെന്ന് ആ മുഖത്ത് നിന്നും വ്യക്തമായിരുന്നു.
“എനിക്ക് കുറച്ച് പൈസ കടം തരുവോ..?
അവൾ പതിയെ എന്നോട് ചോദിച്ചു..
“എന്തിനാടി….. “
ഞാൻ ആകാംഷയോടെ മറു ചോദ്യമുന്നയിച്ചു.
“ഫീസടക്കണ്ട ഡേറ്റ് കഴിഞ്ഞു.അമ്മേടെ അക്കൗണ്ടിൽ തൊഴിലുറപ്പിന്റെ പൈസ കേറീട്ടില്ല..കേറിയാലുടനെ തിരിച്ചു തരാം.. ”
“എത്രയാ…?
ഞാൻ ഗൗരവം വെടിയാതെ അവളെ നോക്കി..
“അറുനൂറ് രൂപ….
“നിന്നോട് കുറച്ച് നേരം മുന്നേ പറഞ്ഞതൊക്കെ നീ മറന്നോടീ തെണ്ടീ.. ”
നിയന്ത്രണം വിട്ട എന്റെ ശബ്ദം ഉയർന്നു.എന്റെ ഭാവം മാറിയത് കണ്ട അമ്മു എന്റെ കൈയിൽ പിടിച്ചു കൊണ്ട് എന്നെ തടഞ്ഞു. അല്ല പിന്നെ എത്ര പറഞ്ഞാലും പെണ്ണിന് ഫോര്മാലിറ്റി വിട്ട് കളിയില്ല..
“ഇല്ലാ… സോറി.. ”
എന്റെ മുഖത്തേക്ക് പരിഭ്രമത്തോടെ നോക്കികൊണ്ട് അവൾ പറഞ്ഞു.
ഞാൻ പേഴ്‌സിനെ കുറിച്ച് ചിന്തിച്ചപ്പോഴേക്കും അമ്മു അത് എന്റെ പോക്കറ്റിൽ നിന്ന് വലിച്ചെടുത്ത്‌ കയ്യിൽ പിടിച്ചു . പിന്നെ അതിൽ നിന്ന് രണ്ടായിരം രൂപ എടുത്ത് ചിന്നുവിന് നേരെ നീട്ടി.
“അയ്യോ ഇത്രയൊന്നും വേണ്ടാ അമ്മുചേച്ചീ…. “
“വെച്ചോ പെണ്ണെ എന്നിട്ട് നേരത്തെ പറഞ്ഞില്ലേ അതും കൂടെ വാങ്ങിച്ചോ.. !
അമ്മു അവളുടെ കയ്യിൽ പൈസ പിടിപ്പിച്ചുകൊണ്ട് ചിരിയോടെ പറഞ്ഞു.
“അതേത് കാര്യം..?
ഞാൻ സംശയത്തോടെ അവളെ നോക്കി..
“അതോ അത് ഏട്ടനോട്പറയാൻ പറ്റില്ല, അതോണ്ട് അവള് ചേച്ചിയോട് പറഞ്ഞു.. ”
അമ്മു ചിരിയോടെ എന്നെ നോക്കി കണ്ണിറുക്കി
“എന്നാലും ഇത് കൂടുതലാ
ചേച്ചീ.. ”
ചിന്നു ഇപ്പഴും അത് വാങ്ങാൻ തയ്യാറല്ല..
“അത് നിന്റെ കയ്യിൽ വെച്ചോ.. പുറത്തേക്കിറങ്ങുമ്പോൾ കണക്കാക്കി പൈസ കയ്യിൽ വെക്കരുത് പ്രത്യേകിച്ച് പെൺകുട്ടികൾ..”
അമ്മു ചിന്നുവിന്റെ കവിളിൽ തലോടിക്കൊണ്ട് പൈസ അവളുടെ കയ്യിൽ പിടിപ്പിച്ചു.
“ഹൊ എന്റെ ശ്രീമതിക്ക് വിവരം വെച്ച് തുടങ്ങി…. “
ഞാൻ താടിക്ക് കൈ കൊടുത്ത് കൊണ്ട് അമ്മുവിനെ നോക്കി കളിയാക്കി..
“എനിക്ക് പണ്ടേ വിവരമുണ്ട്..
ഒരു അരവട്ടൻ കൂടെ കൂടിയതിന്റെ കുഴപ്പം മാത്രെ ഒള്ളൂ…. “
അവൾ എന്നെ ഒന്ന് ആക്കി കൊണ്ട് പുച്ഛത്തോടെ പറഞ്ഞു..
“അരവട്ടൻ ആയോണ്ടാണല്ലോ ഇതിന്റെയൊക്കെ പിറകെ നടന്നത്.. എന്റെ ചിന്നൂ നീ ശ്രീക്കുട്ടിയെ കണ്ടിട്ടില്ലല്ലോ..
എജ്ജാതി മൊഞ്ചാണെന്നറിയോ.?
ഞാൻ അവളെ ദേഷ്യം പിടിപ്പിക്കാൻ ശബ്ദത്തിൽ നിരാശ കലർത്തികൊണ്ട് പറഞ്ഞു.
“ആര് നിർബന്ധിച്ചു…
വേണ്ടവർക്ക് ഇപ്പഴും പോവാം..”
“വല്യ ഡയലോഗ് ഒന്നും അടിക്കണ്ടാ സത്യായിട്ടും ഞാൻ പോവും.. “
ഞാനും വിട്ടുകൊടുത്തില്ല
“പൊയ്ക്കൊന്നേ. .
ഇത്രേം കാലം ആരും ണ്ടായിട്ടല്ലല്ലോ ഞാൻ ജീവിച്ചേ…”
അമ്മുവിന്റെ ശബ്ദം ഇടറി തുടങ്ങിയിരുന്നു.അതോടെ ഇനി ആ കളി മുന്നോട്ട് കൊണ്ട് പോണ്ടെന്ന് ഞാൻ തീരുമാനിച്ചു.മുഖം തിരിച്ചു നിക്കുന്ന അവളുടെ തോളിലൂടെ കയ്യിട്ട് ഞാൻ എന്റെ അടുത്തേക്ക് വലിച്ചു.
“ദേ രണ്ടും കൂടി വഴക്കിട്ടിട്ട് അവളെത്തിയോ അവനൊറങ്ങിയൊന്നൊക്കെ
എന്നെ വിളിച്ചു ചോദിച്ചു ശല്യപ്പെടുത്താൻ നിക്കണ്ട പറഞ്ഞേക്കാം…”
ചിന്നു ഇടുപ്പിൽ കൈകൾ കുത്തി ഗൗരവത്തോടെ പറഞ്ഞു.
“ഒന്ന് പോടീ നിന്നെ ആര് വിളിക്കുന്നു.. ”
അമ്മുവിനത് തീരെ ഇഷ്ടപെട്ടില്ലാ…
“ഓഹോ ഇപ്പൊ അങ്ങനെ ആയോ എന്റെ ഏട്ടാ അന്ന് നിങ്ങള് തമ്മില് പിണങ്ങീട്ട് ഓരോ മണിക്കൂറിലും എന്നെ വിളിയായിരുന്നു..ഏട്ടൻ ചോറുണ്ടോ, ചായ കുടിച്ചോ.. ന്നൊക്കെ ചോദിച്ച്.. ”
ചിന്നു ചിരിയോടെ പറഞ്ഞു നിർത്തി
“അത് പിന്നെ.. ഞാൻ.. “
പെട്ടന്ന് മറുപടി കിട്ടാതെ അമ്മു കെടന്ന് വിക്കി…
അതെനിക്ക് പുതിയ അറിവായിരുന്നു. ഞാൻ അമ്മുവിനെ ചേർത്ത് നിർത്തി അവളുടെ കണ്ണിലേക്കു നോക്കിയപ്പോൾ അവൾ ചമ്മലോടെ മുഖം വെട്ടിച്ചു.
“അങ്ങനെ എന്റെ തങ്കകുടത്തിനെ ഇട്ടിട്ട് ഞാൻ പോവ്വോ.. ച്രീക്കുട്ടി ഒന്നും എന്റെ മുത്തിന്റെ ഏഴയലത്തു വരൂല !
അവളുടെ കവിളിൽ പിടിച്ചു വലിച്ചു കൊണ്ട് ഞാൻ കൊഞ്ചി.
“പെണ്ണ് നിക്കുന്നത് കണ്ടില്ലേ പ്രാന്താ….. ”
അവൾ കപട ദേഷ്യം അഭിനയിച്ചു കൊണ്ട് എന്നെ തള്ളി മാറ്റാൻ നോക്കി. മാഡത്തിന് ഞാൻ പറഞ്ഞത് നല്ലോണം സുഖിച്ചിട്ടുണ്ട്.. ആ മുഖത്തെ നാണം ഒന്ന് കാണേണ്ടതായിരുന്നു.
“ഓ പെണ്ണ് ഇന്ന് ഉച്ചക്കും പലതും കണ്ടിരുന്നു… ”
ഞെട്ടിച്ചു കൊണ്ട് ചിന്നുവിന്റെ മറുപടിയെത്തി.
“എന്ത്… എന്ത് കണ്ടൂന്നാ..?
അമ്മു അവളുടെ നേരെ തിരിഞ്ഞു .
“മുദ്ദ്ഗൗ….
പറഞ്ഞു തീർന്നതും ചിന്നു ഉമ്മറത്തേക്ക് ഓടി കയറി
” ലൂസുകള് രണ്ടും പോവാൻ നോക്കിക്കേ… ”
അവൾ ചിരിയോടെ ഞങ്ങളെ യാത്രയാക്കി
“ചിന്നൂനെ ഒത്തിരി ഇഷ്ടാണ് ലെ..?
മടങ്ങി പോരുന്നതിനിടെ അമ്മു എന്നോട് ചോദിച്ചു..
“പിന്നേ.. ഒരു അനിയത്തിക്ക് വേണ്ടി ഞാൻ എത്ര കൊതിച്ചിട്ടുണ്ട് ന്നറിയോ… ”
എന്റെ സ്വന്തം അനിയത്തിയാണ് അവള്..”
“എന്നേക്കാൾ ഇഷ്ടാണോ..?
അടുത്ത ചോദ്യം..
“ഡീ നീ ഒരുമാതിരി സാധാ പെണ്ണുങ്ങളുടെ സ്വഭാവം..കാണിക്കല്ലേ ട്ടോ.. “
അവളുടെ ഉദ്ദേശം മനസ്സിലായ ഞാൻ അത് തടയാൻ ശ്രമിച്ചു.
“പറയെന്നെ.. എന്നെ ആണോ അമ്മുവിനെ ആണോ ലച്ചുവിനെയാണോ ഏറ്റവും ഇഷ്ടം…!
“അതിനിപ്പോ എന്താ സംശയം..
ആദ്യം ലച്ചു പിന്നെ അച്ഛൻ അത് കഴിഞ്ഞാൽ ചിന്നൂട്ടി പിന്നെ നീ.. !
അതോടെ അവളുടെ ചോദ്യവും നിന്നു ഒട്ടിയുള്ള ഇരിപ്പും അവസാനിച്ചു.
ഇന്നത്തേക്ക് ഉള്ളതായി. ഒരു രണ്ടാം സ്ഥാനമെങ്കിലും അവള് പ്രതീക്ഷിച്ചിരിക്കണം.ഒന്നാം സ്ഥാനം ലച്ചുവിനാണെന്ന് അവൾക്ക് നേരത്തെ അറിയാം..
വീട്ടിൽ എത്തിയപ്പോൾ അച്ഛമ്മയും അമ്മയും തമ്മില് സംസാരിച്ചിരിക്കുകയാണ്.
“ഇവന്റെ കൂടെ തനിച്ചു വിട്ടാൽ ഈ പെണ്ണിനെ കരയിക്കും നാറി.”
അമ്മുവിന്റെ മുഖം കണ്ട് ലച്ചുവിന്റെ ഭാവം മാറി.
“നിങ്ങടെ മോള് തൊട്ടാവാടിയായതിന് ഞാനെന്ത് ചെയ്യാനാ…. ”
ഞാൻ ലച്ചുവിനെ പ്രതിരോധിക്കാൻ ശ്രമിച്ചു.അപ്പോഴും കയ്യകലം പാലിക്കാൻ ഞാൻ പ്രത്യേകം ശ്രദ്ധിച്ചു..
“മതി..മതി.. നമ്മക്ക് തറവാട്ടിലേക്ക് പോവല്ലേ പെണ്ണെ.
ഏതായാലും കൊറച്ച് കാലം കൂടെ അവടെ നിന്നോ.. .. “
അച്ഛമ്മ അമ്മുവിന്റെ കയ്യിൽ പിടിച്ച് കൊണ്ട് പറഞ്ഞു.അമ്മു എന്ത് വേണമെന്ന മട്ടിൽ അമ്മയെ നോക്കി.
” കല്യാണം കഴിയുന്നത് വരെ മോളവിടെതന്നെ നിന്നൊ
കണ്ണൻ ണ്ടല്ലോ കൂടെ….
അമ്മക്ക് കാണാൻ തോന്നുമ്പോ അമ്മ അങ്ങോട്ട് വന്നോളാ ട്ടോ.. ”
ലച്ചു അവളെ ആശ്വാസിപ്പിച്ചു.ദീർഘ നേരത്തെ കെട്ടിപിടുത്തം അവസാനിപ്പിച്ച്
അവർ വിട്ടു മാറി..
“എന്നാ ഇപ്പൊ തന്നെ ഇറങ്ങാം
അവടെ പണി ണ്ടാവൂലെ….?
ഞാൻ അവളെ നോക്കിയെങ്കിലും അവൾ മുഖം തരുന്നില്ല. നേരത്തെ പറഞ്ഞതിന്റെ പിണക്കം മാറീട്ടില്ലാ..
അമ്മയോട് യാത്ര പറഞ്ഞപ്പോൾ പെണ്ണ് വീണ്ടും കരഞ്ഞു.അവളുടെ കാട്ടി കൂട്ടല് കണ്ടാൽ എല്ലാരേയും വിട്ട് ഗൾഫിലേക്ക് പോവുന്ന പോലെ ആണ്.അച്ഛമ്മയുടെ കൈ പിടിച്ച് അവൾ മുന്നിൽ നടന്നു. അവളുടെ ബാഗും പൊക്കണവും താങ്ങി പിടിച്ച് ഞാൻ പിന്നാലെയും.തറവാട്ടിൽ എത്തുന്ന വരെ പെണ്ണൊന്ന് തിരിഞ്ഞു പോലും നോക്കീല തെണ്ടി!
ഉമ്മറത്തേക്ക് കയറി ഭസ്മകൊട്ടയിൽ നിന്ന് ചാവി എടുത്ത് അച്ഛമ്മ വാതില് തുറന്ന് ഉള്ളിലേക്ക് കയറി.റൂമിലേക്ക് പോയ അനുവിന്റെ പിന്നാലെ ചെന്ന് ഞാൻ ഇടുപ്പിലൂടെ കൈ ചുറ്റി പിടിച്ച് നിർത്തി.അവൾ കുതറി മാറാൻ നോക്കിയെങ്കിലും ഞാൻ പിടി വീട്ടില്ലാ.
“ഇനി വീർപ്പിച്ചാ പൊട്ടിപോവും..”
അവളുടെ കവിളിൽ വിരല് കൊണ്ട് കുത്തി ഞാൻ പതിയെ പറഞ്ഞു..
“ശ്രീക്കുട്ടീന്റെ കവിള് നോക്കിയാ മതി…”
മറുപടി തന്നെങ്കിലും മുഖത്തേക്ക് നോക്കുന്നില്ല..
“നിനക്ക് ദേഷ്യം വരുന്നുണ്ടോടീ.? .
അവളെ തിരിച്ചു നിർത്തി കൊണ്ട് ഞാൻ മൂക്ക് പിടിച്ച് വലിച്ചു കൊണ്ടവളെ ശല്യം ചെയ്തു..
ഉണ്ടെങ്കി…?
പെണ്ണ് ഉണ്ടക്കണ്ണുരുട്ടി
“എങ്കി എനിക്കൊരുമ്മ തരോ..?
ഞാൻ ജഗതിയുടെ ഡയലോഗ് അനുകരിച്ചു കൊണ്ട് മുഖം അടുപ്പിച്ചു.
“കൊഞ്ചാൻ വരണ്ട.. തുപ്പും ഞാൻ…..
അവള് വായ തുറന്ന് ഭീഷണിപെടുത്തി.പിന്നെ എന്റെ പിടി വിടീച്ചു കൊണ്ട് മാറി നിന്നു.
“ആഹാ അത്രക്കായോ…!
അവൾക്ക് രക്ഷപ്പെടാൻ അവസരം കൊടുക്കാതെ ഞാൻ പൊക്കിയെടുത്ത്‌ കട്ടിലിലേക്കിട്ടു.ഒരു നിമിഷം പോലും പാഴാക്കാതെ അവളുടെ ദേഹത്തേക്ക് വീണു.ചവിട്ടും കുത്തും വാങ്ങിക്കൂട്ടിയിട്ടും പിൻമാറാതെ ഞാൻ അവളുടെ മുഖം പിടിച്ചു വെച്ച് ആ പവിഴാധരങ്ങൾ മുദ്ര വെച്ചു.പിന്നെ വിജയീ ഭാവത്തിൽ അവളെ നോക്കി..
“നാണോം മാനോം ഇല്ലാത്തവൻ.
ബലം പ്രയോഗിച്ചു കിസ്സടിക്കാൻ ഉളുപ്പില്ലേ..?
അവൾ ചുണ്ട് തുടച്ചു കൊണ്ട് അറപ്പ് നടിച്ചു.
ഞാൻ ചിരിയോടെ അവളെ ഇറുക്കിയണച്ചു. നേരത്തെ പറഞ്ഞ സ്നേഹത്തിന്റെ റാങ്കാണ് പെണ്ണിന്റെ പ്രശ്നം..
“ഏട്ടന്റെ ചക്കരകുട്ടി എവിടേ..?
ഞാൻ കുഞ്ഞുങ്ങളെ കൊഞ്ചിക്കുന്ന പോലെ അവളെ വിളിച്ചു.
“അച്ഛന്റെ തലേല്.. !
എന്റെ നെഞ്ചിൽ മുഖം പൂഴ്ത്തികൊണ്ട് അവൾ എന്റെ തന്തക്ക് തന്നെ വിളിച്ചത് കേട്ട് ഞാൻ ചെറുതായിട്ടൊന്നു ഞെട്ടി.
“ഹാ ചൂടാവല്ലേ പെണ്ണെ എന്താ നിന്റെ പ്രശ്നം..?
ഞാൻ ചിരിയോടെ അവളുടെ മുഖം പിടിച്ചുയർത്തി.അവൾ കുറുമ്പൊടെ ചുണ്ട് നീട്ടി എന്നെ നോക്കി ഉണ്ടക്കണ്ണുരുട്ടി.ആ ചുണ്ട് കടിച്ചെടുത്ത്‌ ആ കുറുമ്പ് മാറ്റാനാണ് തോന്നിയതെങ്കിലും ഞാൻ സംയമനം പാലിച്ചു.
“എനിക്കൊരു പ്രശ്‍നോം ഇല്ല..
അല്ലെങ്കി തന്നെ നാലാം സ്ഥാനക്കാരിയുടെ പ്രശ്നം ആരന്വേഷിക്കാനാ… !
“അത് ഞാൻ തമാശ പറഞ്ഞതാ
വാവേ… “
“തമാശ ഒന്നും അല്ലാ എനിക്കത്രേ വിലയുളളൂ..
എന്തായാലും രണ്ടാം കെട്ടല്ലേ
അത്രയെങ്കിലും തന്നത് ഭാഗ്യം.
നമുക്ക് പരാതിയില്ലേ
ഏതെങ്കിലും മൂലക്ക് ഒതുങ്ങി കഴിഞ്ഞോളാം.. !
അവളുടെ അഭിനയമാണോ ഒറിജിനലാണോന്ന് അറിയൂല.
പക്ഷെ അതെനിക്ക് ശരിക്കും കൊണ്ടു.
“ദേ ഈ താലിയാണ് സത്യം.. ഞാനത് നിന്നെ ദേഷ്യം പിടിപ്പിക്കാൻ പറഞ്ഞതാ… ”
അതോടെ ഞാൻ സത്യം പറഞ്ഞതാണെന്ന് അവൾക്ക് മനസ്സിലായി.
“എപ്പഴും എന്നെ തൊട്ടാവാടീന്ന് വിളിക്കും ഇപ്പൊ കണ്ടോ ഒരാള്ടെ മുഖം…. ”
ആശ്വസിപ്പിക്കാനായി പറഞ്ഞു കൊണ്ട് അവൾ കവിളിലേക്ക് എത്തി വലിഞ്ഞു ഉമ്മവെച്ചു.
“പിന്നെ മനുഷ്യനല്ലേ ഇങ്ങനെയൊക്കെ കേട്ടാൽ ഫീലാവും..”
ഞാനവളെ അമർത്തിയണച്ചു കൊണ്ട് പറഞ്ഞു.കുറച്ച് നേരം രണ്ട് പേരും ഒന്നും മിണ്ടിയില്ല.
“ഒന്നാം സ്ഥാനം നിനക്കല്ലാതെ വേറാര്ക്ക പോത്തേ…?
നിശബ്ദതക്ക് വിരാമമിട്ടുകൊണ്ട് ഞാൻ സംസാരിച്ചു തുടങ്ങി.
“ചുമ്മാ പറയണതാ…”
അവൾക്ക് വിശ്വാസം ആയില്ല
“സത്യം,
എന്റെ കുഞ്ഞുവാണ് സത്യം…. “
അപ്പൊ ലച്ചുമ്മക്കോ..?
ഞാൻ പ്രതീക്ഷിച്ച ചോദ്യം തന്നെ അവളിൽനിന്നുയർന്നു..
“അതും ഒന്നാംസഥാനം തന്നെ.. !
“എന്നേ സന്തോഷിപ്പിക്കാൻ വേണ്ടി ഒന്നും പറയണ്ട എനിക്ക് മൂന്നാം സ്ഥാനം തന്നാൽ മതി. അച്ഛനും അമ്മയും കഴിഞ്ഞിട്ട്.. “
അവൾ ഷർട്ടിനുള്ളിലൂടെ കൈ കടത്തി എന്റെ നെഞ്ചിലെ രോമങ്ങൾ പിടിച്ചു വലിച്ചു കൊണ്ട് പറഞ്ഞു.
“എടി പൊട്ടികാളീ അത് നിനക്കറിയാഞ്ഞിട്ടാ. ഒരാണ് സ്വന്തം പെണ്ണിനെ ലോകത്തിലെ ഏറ്റവും പ്രിയപ്പെവളായിട്ടാണ് കാണുന്നത്.സ്വന്തം വീട് വിട്ട് അവന്റെ ജീവിതത്തിലേക്ക് ചെന്ന് സ്വന്തം മനസും ശരീരവും അവന് കൊടുത്ത് അവന്റെ സന്തോഷങ്ങൾക്കയിട്ട് ജീവിതം മാറ്റി വെക്കുന്ന, അവന്റെ കുഞ്ഞുങ്ങളെ പെറ്റുപോറ്റുന്ന പെണ്ണ് കഴിഞ്ഞിട്ടേ അവന് മറ്റാരും ഉള്ളൂ…”
“നീ കല്യാണം കഴിഞ്ഞ ചില ആണുങ്ങൾ അമ്മ കഴിഞ്ഞിട്ടേ ഒള്ളൂ ഭാര്യ എന്നൊക്കെ വീരസ്യം പറയുന്നത് കേട്ടിട്ടില്ലേ…?
ഉം.. “
“അത് പറയാൻ രണ്ട് കാരണങ്ങൾ ഉണ്ടാവും. ഒന്നുകിൽ അവൻ പ്രതീക്ഷിച്ച സ്നേഹവും കരുതലും ആ ഭാര്യ അവന് നൽകുന്നില്ല.അല്ലെങ്കിൽ ആൾക്കാരെകൊണ്ട് കയ്യടിപ്പിക്കാൻ ഉള്ള ചീപ്പ് ഷോ..”
“ഒരു കാര്യം ഉറപ്പാണ് പെറ്റു വളർത്തിയ അമ്മയും താലി കെട്ടിയ പെണ്ണും ഒരു പുരുഷന് തുല്യം ആണ്. പിന്നെ അവരുടെ സ്വഭാവത്തിനനുസരിച്ച് ഏറ്റകുറച്ചിലുകൾ ണ്ടാവും അത്രേ ഒള്ളൂ…”
“എനിക്കറിയാം പിന്നെ ഇതിങ്ങനെ ഇടക്ക് കേക്കുമ്പോ ഒരു സുഖാണ്…!.
പെണ്ണ് കള്ളച്ചിരിയോടെ പറഞ്ഞുകൊണ്ട് എന്നെ ഒന്നുകൂടി ഇറുക്കി..
“എന്നാലും നീയെന്റെ തന്തക്ക് വിളിച്ചത് മോശം ആയിപ്പോയി.. “
“അത് വെറുതെ തമാശക്കല്ലേ.. സോറി… “
“സോറി കൊണ്ടൊന്നും അത് തീരൂല… “
ഞാൻ പിണക്കം നടിച്ചു കൊണ്ട് മുഖം വെട്ടിച്ചു..
“പിന്നെന്ത് വേണം..?
അവൾ ചോദ്യമുയർത്തി
“കുടിക്കാൻ തരോ…?
ചോദിക്കാനുള്ള ചമ്മല് കൊണ്ട് മുഖം പൊത്തി പിടിച്ചാണ് ഞാനത് ചോദിച്ചത്..
“ഫ്രഷ് ഫ്രഷേയ്…. “
അവൾ പാൽപ്പല്ലുകൾ കാട്ടി മുകളിലേക്ക് നീങ്ങി എന്റെ കഴുത്തിലേക്ക് മുഖം പൂഴ്ത്തി..
“ഹൈഷ് എന്താ ന്റെ ചെക്കന്റെ വിയർപ്പിന്റെ സ്മെല്ല്… “
അവൾ ആസ്വദിച്ചു മണത്തുകൊണ്ട് വീണ്ടും മുഖം പൂഴ്ത്തികിടന്നു.
“ഇതെന്ത് വട്ടാടീ… കുരുപ്പേ..?
അവളുടെ പരാക്രമം കൊണ്ട് എനിക്ക് ചെറുതായി ഇക്കിളിയെടുക്കാൻ തുടങ്ങിയിരുന്നു.അവള് പക്ഷെ ഇതൊന്നും ശ്രദ്ധിക്കാതെ കഴുത്തിൽ മുഖമിട്ടുരക്കാൻ തുടങ്ങി..
“ഓരോന്ന് എന്റെ മേല് കൊണ്ട് വന്ന് തട്ടിച്ചിട്ട് പിന്നെ എന്നെ കുറ്റം പറയര്ത് ട്ടോ…. “
എന്റെ നെഞ്ചിൽ അമർന്നെരിയുന്ന അവളുടെ മുലകൾ എന്നെ സാവധാനം ഉണർത്തുന്നുണ്ടായിരുന്നു…
“കണ്ണേട്ടാ എനിക്കൊരു കിസ്സ് തരോ….?
അനു വല്ലാത്തൊരു ഭാവത്തോടെ പതിയെ ചോദിച്ചു
“നിന്റെ കെടപ്പ് കണ്ടപ്പഴേ ഞാൻ ഊഹിച്ചതാ.. നിനക്ക് ഞനഞ്ഞില്ലേ കള്ളീ…. ”
“എനിക്ക് നനഞ്ഞിട്ടൊന്നും ല്ലാ..
കിസ്സ് തരുന്നുണ്ടോ..
അവൾ കുറുമ്പോടെ എന്നെ നോക്കി..
ആവേശത്തോടെ ഞാൻ മുഖമടുപ്പിച്ചപ്പോ അവൾ ചുണ്ടിൽ വിരല് വെച്ച് തടഞ്ഞു.
“സാധാ കിസ്സ് പോരാ…
ചുണ്ട് പൊട്ടി ചോര വന്നാലും ഞാൻ പറയാതെ നിർത്തരുത്…”
“ശ്വാസം മുട്ടി ചാവും പെണ്ണെ.. !
“ചത്തോട്ടേ ഏട്ടൻ കൂടെ ഇല്ലേ.!
അക്ഷമയായ പെണ്ണ് വശം ചരിഞ്ഞു കൊണ്ട് എന്റെ ചുണ്ട് വിരല് കൊണ്ട് പിടിച്ചു ഞെരിച്ചു കൊണ്ടിരുന്നു.
കിളിചുണ്ടൻ മാമ്പഴത്തിലെ ശ്രീനിവാസനെ പോലെ ഇജ്ജ് ഇന്നെ എന്താന്ന് വെച്ചാ ചെയ്തോന്ന് പറഞ്ഞുകൊണ്ട് ഞാൻ കിടന്നു കൊടുത്തു.പതിയെ നാവ് നീട്ടി അവൾ കൂട്ടിപിടിച്ച ചുണ്ടിൽ നക്കി, പിന്നെ ഉമ്മവെച്ചു. ഇത് തന്നെ കുറച്ച് നേരം അവൾ തുടർന്നു.അവളുടെ വായിൽ നിന്നുള്ള ചുടു വായു എന്റെ വായിലേക്ക് അടിച്ചു കയറി കൂടാതെ എന്നെ എന്നും മത്തു പിടിപ്പിക്കുന്ന അവളുടെ മാദക ഗന്ധവും.അവളുടെ പ്രതീക്ഷ തെറ്റിച്ചു കൊണ്ട് ഞാൻ വായതുറന്ന് അവളുടെ കീഴ്ചുണ്ടിൽ കടിച്ച് ലോക്കാക്കി ഉറിഞ്ചിക്കൊണ്ടിരുന്നു.. സുഖം കയറി തുടങ്ങിയതിനാൽ അനു പാതി അടഞ്ഞ കണ്ണുകളോടെ വായ മുഴുവൻ തുറന്ന് എനിക്ക് വർക്ക്‌ ചെയ്യാനുള്ള സൗകര്യം ഒരുക്കി തന്നു.
“സ്സ്..അമർത്തി കടിക്ക്..അഭിയേട്ടാ…. “
ആദ്യമായിട്ടാണ് അവൾ എന്നെ അങ്ങനെ അങ്ങനെ വിളിക്കുന്നത്. പക്ഷെ നാരങ്ങ അല്ലികൾ മാറി മാറി ചപ്പി നീരെടുക്കുന്നതിനിടെ എനിക്കതൊന്നും ശ്രദ്ധിക്കാൻ തോന്നീല..
“വായ തുറന്നെ…”..
അവൾ കുറുകി..
ഞാൻ അക്ഷരം പ്രതി അനുസരിച്ചു.അവളുടെ വായിൽ നിന്ന് ഉമിനീരിന്റെ നൂലുകൾ എന്റെ വായിലേക്ക് തൂങ്ങിയിറങ്ങി. ഞാൻ മനസ്സിലാഗ്രഹിച്ചത് ഒരു നിമിഷം മുന്നേ മനസ്സിലാക്കിയിരുന്നു..
ഭ്രാന്തിളകിയ പോലെ ഉള്ള ആക്രമണമായിരുന്നു പിന്നെ..വന്യമായ ത്വരയിൽ രണ്ടു പേരും ആവേശത്തോടെ പരസ്പരം ചുംബിച്ചു അവളുടെ നാവുകൾ എന്റെ മുഖത്ത് ഇഴയുന്നത് എന്നിൽ സുഖം വർധിപ്പിച്ചു.
എന്നേക്കാൾ ഇരട്ടി ആവേശമായിരുന്നു അവൾക്ക്. എന്നെ കാഴ്ച്ചക്കാരനാക്കിക്കൊണ്ട് അവൾ തകർത്തു ചുംബിച്ചു. അവളുടെ അരിപ്പല്ലുകളുടെ കടിയേറ്റ് എന്റെ ചുണ്ട് മൊത്തം മുറിഞ്ഞെങ്കിലും അവളെന്തെങ്കിലും കാണിക്കട്ടെന്ന് കരുതി ഞാൻ വായ തുറന്ന് കൊടുത്ത് അവളുടെ പുറത്ത് തലോടിക്കൊണ്ടിരുന്നു.. അവളുടെ നീളൻ മുടിയിഴകൾ എന്റെ മുഖത്തേക്ക് വീണ് കാഴ്ച മറച്ചിരുന്നു..
“ഹാവൂ..
ഒരു ദീർഘ നിശ്വാസത്തോടെ പെണ്ണ് കിസ്സടി നിർത്തി നെഞ്ചിൽ മുഖമമർത്തി കിടന്ന് കിതച്ചു.
“വേദനിച്ചോ ഏട്ടന്..?
അങ്ങനെ കിടന്നു കൊണ്ട് തന്നെ കയ്യെത്തിച് എന്റെ ചുണ്ടിൽ പരതിക്കൊണ്ട് അവളന്വേഷിച്ചു..
“ഇല്ലല്ലോ….
ഇന്ന് നല്ല മൂഡിലാണല്ലോ പെണ്ണെ…. !
ഞാൻ കൈ താഴേക്ക് കൊണ്ട് പോയി ആ ചന്തി പന്തുകളെ ഞെരിച്ചു കൊണ്ട് ചോദിച്ചു..
“അമ്മൂന് പോയിട്ട് കൊറേ ദിവസായി ഏട്ടാ….”
അവൾ മുഖമുയർത്തി നിഷ്കളങ്കമായി പറഞ്ഞു.
“നന്നായിപ്പോയി.. അന്ന് ഞാൻ മര്യാദക്ക് കളഞ്ഞു തരാന്ന് പറഞ്ഞപ്പോ ജാഡ കാണിച്ചിട്ടല്ലേ..?
“അത്.. അന്നെനിക്ക് വല്ല്യ മൂഡ്ണ്ടായില്ലാ….”
അവൾ നാണത്തോടെ മറുപടി നൽകി.
“എന്നാ ഇന്ന് കളഞ്ഞു തരാല്ലോ
ഏട്ടന്റെ മുത്തിന്.. ”
ഞാൻ അവളെ ചേർത്തു പിടിച്ചു കൊണ്ട് പറഞ്ഞു
“അതൊക്കെ എപ്പഴേ പോയി… ”
അവൾ നാണത്തോടെ മുഖം വെട്ടിച്ചു.
“അയ്യേ ഇത്ര പെട്ടന്നോ.. ?
ഇങ്ങനെ ആയാൽ ഞാനെങ്ങനെ എന്റെ കരുത്ത്‌ തെളിയിക്കും.?
“അയ്യടാ പോയത് നന്നായി അല്ലെങ്കി ഇന്ന് അതിൽ പിടിച്ചു കേറിയേനെ കുറുമ്പൻ”… ”
അവൾ ചുണ്ട് കൂർപ്പിച്ചു കൊണ്ട് കൊഞ്ചി
അവളുടെ സംസാരം കേട്ട് ചിരി വന്ന ഞാൻ അവളെ അമർത്തിയണച്ചു കൊണ്ട് കിടന്നു..
“അടങ്ങി കെടക്ക് അനൂ… ”
എന്റെ നെഞ്ചിലെ രോമങ്ങൾ വലിച്ചു കളിക്കുന്ന പെണ്ണിനെ ഞാൻ വിലക്കി.അത് മതിയല്ലോ അവൾക്ക് പിണങ്ങാൻ..
“ഏട്ടന്റെ കുറുമ്പി എവിടേ..?
“ദാ….
അവൾ മുഖമുയർത്തികൊണ്ട് പാൽപ്പല്ലുകൾ കാട്ടി…
“അയ്യടാ.. ഒരു കുറുമ്പി.. എന്നേക്കാൾ രണ്ട് വയസ്സ് കൂടുതൽ ഇല്ലെടീ കുരിപ്പേ നിനക്ക് ?..
“അതോണ്ടിപ്പോ എന്താ..?
എന്റെ പെട്ടന്നുള്ള ഭാവമാറ്റം കണ്ട് അവൾ ചുണ്ട് മലർത്തി.
“അതോണ്ട് ഒന്നൂല്ല. ഞാൻ ഇനി മുതൽ അനു ചേച്ചീന്നേ വിളിക്കൂ..”
ഞാൻ അവളെ കളിയാക്കി കൊണ്ട് പറഞ്ഞു.
“അതിനെന്താ കണ്ണന് ഇഷ്ടമുള്ളത് വിളിച്ചോ..എനിക്ക് പ്രശ്നല്ലാ.. ”
എന്നെ അമ്പരപ്പിച്ചു കൊണ്ട് അവൾ സൗമ്യമായി മറുപടി നൽകി.
പക്ഷെ അതെനിക്കുള്ള മുട്ടൻ പണിയുടെ മുന്നോടിയാണെന്ന് എനിക്ക് ഒരു ഊഹവും ഉണ്ടായില്ല.ശാന്തമായി നെഞ്ചിലേക്ക് തല വെച്ച അവളുടെ അരിപ്പല്ലുകൾ യാതൊരു മുന്നറിയിപ്പും കൂടാതെ എന്റെ മുലക്കണ്ണിനു ചുറ്റും ആഴ്ന്നിറങ്ങി.അതെ സമയം തുടയിൽ അവളുടെ കൂർത്ത നഖങ്ങളും ആഴ്ന്നിറങ്ങിയിരുന്നു.
“..ഹൗ… വിടെടി… പ്ലീസ്..”
അസഹ്യമായ പുകച്ചിലിൽ ഞാൻ കിടന്ന് പുളഞ്ഞു.
“ഞാൻ ആരാന്നാ പറഞ്ഞെ..?
അവൾ കഴുത്തിനു കുത്തിപ്പിടിച്ചു കൊണ്ട് ദേഷ്യത്തോടെ ചോദിച്ചു. അപ്പോഴും നുള്ളല് നിർത്തിട്ടില്ല..
“അനു…
“അപ്പൊ ചേച്ചിയല്ലേ..?
ഇപ്രാവശ്യം ചെവിക്കാണ് കടി കിട്ട്യേത്….
“അല്ലാ എന്റെ അമ്മൂസാണ്..
വിടെടി പൊന്നൂ.. വേദനിക്കുന്നു..”
ഞാൻ ദയനീയമായി അപേക്ഷിച്ചു.
“ഇനി പറയോ…?
പെണ്ണിന്റ രോക്ഷം ഇത് വരെ മാറീട്ടില്ല..
“ഇല്ലാ.. ഒരിക്കലും പറയൂല… !
“എന്റെ ചെവി മുറിയും പെണ്ണെ..
വീട് പ്ലീസ്… “
ഞാൻ കണ്ണ് നിറച്ചു കൊണ്ട് പറഞ്ഞു.
“ഞാനാരാന്ന് ഒന്നൂടെ പറഞ്ഞെ…?
“എന്റെ വാവ.. എന്റെ.. കുറുമ്പി..”
അതിലേറെ പതപ്പിക്കാൻ എനിക്ക് കഴിയുമായിരുന്നില്ല ..
“മേലാൽ ഇങ്ങനെ വല്ലോം പറഞ്ഞാ… !
ചൂണ്ടു വിരൽ എനിക്ക് നേരെ ഉയർത്തി കണ്ണുരുട്ടി പറഞ്ഞ ശേഷം വീണ്ടും പെണ്ണ് ഒന്നും സംഭവിക്കാത്ത മട്ടിൽ മുഖം എന്റെ കഴുത്തിലേക്ക് പൂഴ്ത്തി.
എന്റെ സംശയം സാധൂകരിച്ചു കൊണ്ട് പെണ്ണിന്റെ കണ്ണീർ തുള്ളികൾ എന്റെ കഴുത്തിലേക്ക് വീണു..
“വയസ്സ് കൂടിയത് ന്റെ കുറ്റം അല്ലല്ലോ…. “
പെണ്ണ് വിതുമ്പി കൊണ്ട് പറഞ്ഞു.
“ചിണുങ്ങാതെ കുഞ്ഞേ ഞാൻ തമാശ പറഞ്ഞതാണെന്ന് നിനക്കറിയാലോ.. പിന്നെന്താ..?
അവള് കരയുന്നത് കാണുമ്പോ വല്ലാത്ത എടങ്ങേറാണ്..
ഒരിക്കലും കരായിക്കൂലാന്ന് കരുതിയതാണ്. ചില സമയത്ത് എന്റെ നാവ്.. !
“ന്നാലും തൊക്കെ ഏട്ടന്റെ മനസ്സില്ണ്ടല്ലൊ.. പറയ്‌ണില്ലാന്നല്ലേ ഒള്ളൂ…. ”
“ആടീ അതോണ്ടാണല്ലോ അഞ്ചാറ് കൊല്ലം പട്ടിയെ പോലെ ഞാൻ പിന്നാലെ നടന്നത്. അന്നും എനിക്കറിയെന്നു നിന്റെ വയസ്സ്… !
അവളുടെ പായാരം പറച്ചില് കേട്ട് എനിക്കങ്ങു ചൊറിഞ്ഞു കേറി..
“എത്ര വർഷം…?
അവൾ കണ്ണുതുടച്ചു കൊണ്ട് മുഖമുയർത്തി എന്നെ നോക്കി
“ആറ് കൊല്ലം.. പതിനാറു വയസ്സില് പിന്നാലെ നടക്കാൻ തൊടങ്യേതാ ഞാൻ.”
ഞാൻ ദേഷ്യത്തോടെ പറഞ്ഞു നിർത്തി.
“ഉഫ്. ഞാനൊരു സംഭവം തന്നെ ലെ… .?
എന്നെ ഞെട്ടിച്ചു കൊണ്ട് അവൾ പൊട്ടിച്ചിരിച്ചുകൊണ്ട് പറഞ്ഞു.
“എടീ ദുഷ്ടേ ആക്ടിങ് ആയിരുന്നു ലെ…. !
അവളുടെ അട്ടഹാസം കണ്ട് എനിക്കും ചിരി വന്നു.
“പിന്നല്ല…. ങ്‌ഹും..അമ്മുവിനോടാ കളി.. !
അവൾ പുച്ഛത്തോടെ പറഞ്ഞ് വീണ്ടും ചിരിച്ചു.ഇളിഭ്യനായി കിടക്കുന്ന എന്നെ കാണുമ്പോൾ അവൾക്ക് ചിരി കൂടുകയാണ്.
“വന്നേ… കുടിക്കാൻ തരാം..
ആറു കൊല്ലം പിന്നാലെ നടന്ന് ക്ഷീണിച്ചതല്ലെ എന്റെ മോൻ.. ”
അവൾ കട്ടിലിൽ ഇരുന്ന് എന്നെ കൈ നീട്ടി വിളിച്ചു.
“കൊണ്ട് പോടീ വഞ്ചകീ !
എനിക്ക് വേണ്ടാ .. “
പെട്ടന്നുള്ള ദേഷ്യത്തിൽ ഞാൻ ആ ഓഫർ നിരസിച്ചു.
“ഉറപ്പാണല്ലോ ഇനി ചോദിച്ചു വന്നാ ഞാൻഞാൻ ചെന്നിനായകം തേച്ചങ്ങോട്ട് തരും.. പറഞ്ഞില്ലാന്നു വേണ്ടാ….”
ഞാൻ വേണ്ടാന്ന് പറഞ്ഞത് കാളിക്ക് വല്യ ഇൻസൾട്ട് ആയിട്ടുണ്ട്.അവളെന്നെ തുറിച്ചു നോക്കി..
“പോടീ അവ്ട്ന്ന് ഒരു തമാശ പറയാനും പറ്റൂലെ..?
സംഗതി കൈവിട്ടു പോവുമെന്ന് മനസ്സിലായ ഞാൻ എണീറ്റ് അവളുടെ കരവലയത്തിനുള്ളിലേക്ക് കടന്നതും എന്റെ ഫോൺ ശബ്ദിച്ചു..
“ഏത് നാറിയാണോ ഈ നേരത്ത്…!
ഞാൻ ഫോണെടുത്ത്‌ നോക്കി.
അച്ഛൻ !
ആ വിളി പ്രതീക്ഷിച്ചതായിരുന്നെങ്കിലും ചെറിയൊരാന്തൽ എന്റെ ഉള്ളിലൂടെ കടന്ന് പോയി.
“അച്ഛനാ പെണ്ണെ മിണ്ടല്ലേ ട്ടൊ. !
ഞാൻ വിരൽ ചുണ്ടിനു കുറുകെ വെച്ച് അമ്മുവിന് മുന്നറിയിപ്പ് നൽകി.അത് കേട്ടതോടെ അവളുടെ കാറ്റ് പോയ മട്ടുണ്ട്..ഞാൻ കട്ടിലിന്റെ ക്രാസിയിലേക്ക് ചാരി ഇരുന്നതും പെണ്ണ് പേടിച്ചരണ്ട കണ്ണുകളോടെ എന്റെ അടുത്തേക്ക് ഇഴഞ്ഞു വന്ന് എന്റെ നെഞ്ചിലേക്ക് തലവെച്ച് എന്നെ ചുറ്റി വരിഞ്ഞു കണ്ണടച്ചു.
“ഹലോ.. “
ആത്മവിശ്വാസം ഒട്ടും ഉണ്ടായിരുന്നില്ല എനിക്ക്.
“നീ ഇപ്പൊ എവിടെയാ..?
അച്ഛന്റെ പരുഷമായ സ്വരം..
“ഞാൻ പുറത്താ.. വീട്ടിലല്ല.. ”
ഞാൻ ധൈര്യം സംഭരിച്ചു കൊണ്ട് മറുപടി നൽകി.
“തറവാട്ടിലല്ലേ ?
ഒക്കെ ഞാൻ അറിഞ്ഞു..
നാണമില്ലല്ലോടാ നായെ..!
അച്ഛൻ അലറി..
“ആ തറവാട്ടിലാ..അതിനിപ്പോ എന്ത് വേണം..? ”
പെട്ടന്നുണ്ടായ ദേഷ്യത്തിൽ ഞാൻ മറുപടി നൽകി.അമ്മു എന്റെ വായ പൊത്തിയപ്പോഴാണ് എനിക്ക് ബോധം വന്നത്.
“നീ എവിടേലും പോയി തൊലഞ്ഞോടാ കുടുംബത്തിനെ പറയിപ്പിക്കാൻ…. ”
മൂപ്പര് വിട്ടു തരാനുള്ള ഭാവമില്ല..
“ആ തലതെറിച്ചവള് ണ്ടോ കൂടെ?
“തലതെറിച്ചവളൊന്നും കൂടെ ഇല്ലാ എന്റെ പെണ്ണ് ഇവിടെ ണ്ട് എന്തെ?
“എനിക്ക് നിന്നോടൊന്നും പറയാനില്ല അവൾക്ക് ഫോൺ കൊടുക്ക്… “
ഇപ്രാവശ്യം അച്ഛന്റെ ശബ്ദം ഇത്തിരി മയപ്പെട്ടിരുന്നു..
ഞാൻ ഫോൺ കൊടുത്തപ്പോൾ അമ്മു നിസ്സഹായതയോടെ എന്നെ നോക്കി.അവൾ ഫോൺ ചെവിയിൽ വെക്കുന്നതിനു മുന്നേ ഞാൻ ലൗഡ് ഓണാക്കി.എന്താ പറയുന്നേ എന്ന് ഞാനും കൂടെ അറിയണമല്ലോ..
“ഹെലോ… ”
വിറയാർന്ന ശബ്ദത്തിൽ അമ്മു
ഫോണെടുത്തു.
“തൃപ്തിയായല്ലോ അല്ലേ….?
“അത്.. അച്ഛാ.. കണ്ണനെന്നെ ആദ്യേ ഇഷ്ടായിരുന്നു.. ”
അനു വിക്കികൊണ്ട് പറഞ്ഞൊപ്പിച്ചു..
“ഈ പ്രായത്തിലുള്ള ചെക്കന്മാർക്ക് പല ഇഷ്ടങ്ങളും കാണും അതിന് കൂട്ട് നിക്കുന്നവരെ വേറെ പേരാണ് ഞങ്ങളൊക്കെ വിളിക്കാറ്..”
അച്ഛന്റെ വാക്കുകൾ അവളെ വളരെയധികം വേദനിപ്പിച്ചു എന്ന് വ്യക്തമാണ്.അവൾ ശബ്ദമുണ്ടാക്കാതെ വിതുമ്പികൊണ്ട് എന്നെ ദയനീയമായി നോക്കി
“വെറുതെ അവളുടെ മെക്കിട്ട് കേറണ്ട.. എന്നോട് സംസാരിച്ച മതി “
ഫോൺ തട്ടിപ്പറിച്ചു വാങ്ങി കൊണ്ട് ഞാൻ ചൂടായി
“നിന്നോട് സംസാരിക്കാൻ തന്നേ ആണ് പോണത്.. മര്യാദക്ക് അവിടുത്തെ പൊറുതി ഇന്നത്തോടെ നിർത്തിക്കോണം. !
“നടക്കില്ല… ഇനിയെന്താ… ”
ഞാൻ കൂസലില്ലാതെ ഉത്തരം നൽകി
“ആഹാ തന്തേനേം തള്ളേനേം എതിർത്തു പറയാനും പഠിച്ചല്ലോ !
ഒക്കെ നിന്റെ മറ്റവളുടെ കോച്ചിങ് ആയിരിക്കും ലെ?
അത്യധികം പുച്ഛത്തോടെയാണ് അച്ഛനത് പറഞ്ഞത്..
ഒരുകഥകൾ.കോം കോച്ചിങ്ങും അല്ല. ഞങ്ങളുടെ കല്യാണം നടത്തി തന്നൂന്ന് കരുതി ഭൂകമ്പം ഒന്നും ണ്ടാവാൻ പോണില്ലല്ലോ..”
ശബ്ദം പരമാവധി കുറച്ച്, മയപ്പെടുത്തിക്കൊണ്ടാണ് ഞാനത് പറഞ്ഞത്..
“അതിന് ഗോപാലൻ ചാവണം !
അല്ലെങ്കി തള്ളേം മോനും കൂടെ എന്നെ കൊല്ലേണ്ടി വരും.. !
അതിനെനിക്ക് മറുപടി ഉണ്ടായിരുന്നില്ല.. ഒരു നിമിഷം ഇരുവരും നിശബ്ദരായി..
“അച്ഛന്റെ കുട്ടി ഇത് വിട്ട് കളയെടാ.. ഇത് നാട്ടുകാരറിഞ്ഞാ പിന്നെ ജീവിച്ചിരുന്നിട്ട് കാര്യം ഇല്ലാ…. “
കുറച്ച് നിമിഷങ്ങൾക്ക് ശേഷം
അച്ഛൻ വളരെ ശാന്തമായി പറഞ്ഞു.
“എന്നെകൊണ്ട് പറ്റില്ല അച്ഛാ..
ഇവളില്ലാതെ ഒരു ദിവസം പോലും പറ്റണില്ലാ പിന്നെയാണ്”
“എടാ കുഞ്ഞേ എല്ലാ പെണ്ണുങ്ങളും ഇത് പോലെ തന്നേ ആണ്. ഇതിലേറെ നല്ല കുട്ടിയല്ലേ നമ്മടെ ശ്രീക്കുട്ടി….”
“അതൊക്കെ അച്ഛന് തോന്നുന്നതാ ഇവളെപ്പോലെ വേറെ ആരും ഇല്ലാ.. !
ഞാൻ അനുവിനെ ചേർത്ത് പിടിച്ചു കൊണ്ട് പറഞ്ഞു..
“അവളങ്ങ് ചത്തു പോയാൽ നീ എന്ത് ചെയ്യും..?
അച്ഛൻ അടക്കി പിടിച്ച ദേഷ്യം അറിയാതെ പുറത്തേക്ക് ചാടി.
“ചത്തു കഴിഞ്ഞാലും ജീവിക്കാനുള്ള സ്നേഹം ഇവളെനിക്ക് ഇപ്പഴേ തന്നിട്ടുണ്ട്..!
“അപ്പൊ നിന്റെ തന്തേം തള്ളേം തന്നതൊന്നും സ്നേഹം അല്ലേ ?
ഉടനടി മറു ചോദ്യമെത്തി.
“അതും സ്നേഹം തന്നേ.. എന്നാലും ഒരു ഭാര്യയുടെ സ്നേഹം അത് വേറെയല്ലേ…?
“ഓ അപ്പൊ ഭാര്യയായി സ്വയം തീരുമാനിച്ചു കഴിഞ്ഞു അല്ലേ?
എന്റെ വീടിന്റെ പടി നീ കടക്കൂല നായെ.. !
“വേണ്ടാ ഞങ്ങള് വേറെ എവിടേലും പോയി ജീവിച്ചോളാം..”
എന്റെ തോളിലേക്ക് മുഖം വെച്ച് കിടക്കുന്ന അമ്മുവിനെ നോക്കിയപ്പോൾ എന്റെ സ്വരം തനിയെ ശാന്തമായി
“അവസാനമായിട്ട് ചോദിക്കാണ് നിനക്ക് നിന്റെ തന്തേം തള്ളേം വേണോ ആ അഴിഞ്ഞാട്ടക്കാരിയെ വേണോന്ന് ഇപ്പൊ പറയണം.. !
“എന്നെ വിശ്വസിച്ച് എന്റെ കൂടെ കിടന്ന പെണ്ണാണ്.. ഇവളെ ഉപേക്ഷിക്കണമെങ്കിൽ ഞാൻ ചാവണം.. !
അത് പറയുന്നതോടൊപ്പം എന്നെ പേടിയോടെ നോക്കി കിടക്കുന്ന അനുവിന്റെ നെറ്റിയിൽ എന്റെ ചുണ്ടുകൾ അമർന്നു.
“അവളെങ്ങനെ പലരുടേം കൂടെ കിടന്നിട്ടുണ്ടാവും.. കൊറച്ച് കഴിഞ്ഞാൽ നിന്നെ വിട്ട് അവള് വേറാരുടേലും ഒപ്പം പോവും.. ”
ഫോൺ സ്പീക്കറിലിട്ടതിൽ എനിക്ക് ആദ്യമായി കുറ്റബോധം തോന്നി.. അച്ഛന്റെ വാക്കുകൾ എന്നിൽ ഒരു തരം അറപ്പുളവാക്കി. ഇതെല്ലാം കേട്ടിട്ടും അമ്മു നിശബ്ദമായി കണ്ണീർ പൊഴിച്ച് കൊണ്ട് എന്നെ നോക്കി ചിരിക്കാൻ ഒരു വിഫല ശ്രമം നടത്തി.
“എന്റെ പെണ്ണിനെ പറ്റി അനാവശ്യം പറഞ്ഞാൽ തന്തയാണെന്നൊന്നും ഞാൻ നോക്കൂല….പറഞ്ഞേക്കാം.. !
പിന്നെയും എന്തോ പറയണമെന്നുണ്ടായിരുന്നെങ്കിലും അപ്പോഴേക്കും പെണ്ണ് എന്റെ വായ പൊത്തി കഴിഞ്ഞിരുന്നു.
മറുതലക്കൽ അച്ഛൻ ഫോൺ കട്ടാക്കി കഴിഞ്ഞിരുന്നു.പറഞ്ഞത് ഇത്തിരി കൂടിപ്പോയോ?
ഏയ് അമ്മാതിരി തറ വർത്തമാനം അല്ലെ അങ്ങേരു പറഞ്ഞത്.
“ഏട്ടന്റെ മുത്ത് വാടാ…
ഇതൊന്നും കേട്ട് വിഷമിക്കണ്ടാ ട്ടൊ…!
അങ്ങേരെ ഒക്കെ നമ്മള് കുപ്പീലാക്കും.”
അനുവിന്റെ കണ്ണീരു തുടച്ചു കൊണ്ട് ഞാൻ കവിളിൽ ഉമ്മവെച്ചു.അവളെന്നെ വല്ലാത്തൊരു ഭാവത്തോടെ നോക്കി അനങ്ങാതെ ഇരുന്നു..
“ഞാൻ കണ്ണേട്ടനെ ഇട്ടിട്ട് പോവുന്ന് തോന്നുന്നുണ്ടോ..?
ഞാൻ അഴിഞ്ഞാട്ടക്കാരി ആണോ ഏട്ടാ..?
എന്റെ കണ്ണിലേക്കു നോക്കി കൊണ്ട് അവൾ ദയനീയമായി
നോക്കി ചോദിച്ചു. പിന്നെ തേങ്ങലോടെ എന്നെ കെട്ടി പിടിച്ചു.
“അതൊക്കെ അങ്ങേര് പ്രാന്ത് പറഞ്ഞതല്ലേ കുഞ്ഞൂ.. എനിക്കറിയാലോ എന്റെ പെണ്ണിനെ…. ”
അവളെ ചേർത്തണച്ചു കൊണ്ട് ഞാൻ പറഞ്ഞു. വാസ്തവത്തിൽ അവളെ എങ്ങനെ ആശ്വസിപ്പിക്കണം എന്നെനിക്ക് അറിയില്ലായിരുന്നു.
ഓരോന്ന് ആലോചിച്ചപ്പോൾ എനിക്ക് അച്ഛനോടുള്ള ദേഷ്യം കൂടി കൂടി വന്നു.ഇമ്മാതിരി വർത്തമാനം ഒക്കെ പറഞ്ഞിട്ട് അയാൾ നാളെ എങ്ങനെ ഇവളുടെ മുഖത്ത് നോക്കും..?
“നമ്മള് ഒരുമിക്കും എന്നെനിക്ക് തോന്നണില്ല കണ്ണേട്ടാ..
ദൈവത്തിനു പോലും ഇഷ്ടല്ലാന്നു തോന്നുന്നു. ”
അമ്മു പതിഞ്ഞ ശബ്ദത്തിൽ പറഞ്ഞു കൊണ്ട് എന്നെ ഉറ്റുനോക്കി.
“അങ്ങേർക്ക് ഇഷ്ടല്ലെങ്കി വേണ്ടെടീ… എന്നെങ്കിലും ഏതെങ്കിലും ഒരു ജന്മത്തില് മൂപ്പരുടെ കണ്ണ് വെട്ടിച്ച് നമ്മള് ഒരുമിക്കും.. അതുറപ്പാണ്
അത് വരെ കാത്തിരിക്കാൻ നീ റെഡി അല്ലെ ?
അവളെ വരിഞ്ഞു മുറുക്കികൊണ്ട് ഞാനത് ചോദിച്ചപ്പോൾ അവൾ കണ്ണ് തുടച്ചു കൊണ്ട് മുഖമുയർത്തി ചിരിച്ചു..
ആശ്വാസത്തിന്റെ പുഞ്ചിരി.. !
“അപ്പൊ ഒരു ജന്മത്തിലും എന്നെ വിടാൻ ഉദ്ദേശമില്ലാലെ..ദുഷ്ടാ..!
അവൾ ചിരിയോടെ എന്നെ നോക്കി ചോദിച്ചു…
“ഇല്ലല്ലോ മോളെ.. എന്നെ എന്ന് കണ്ടു മുട്ടിയോ അന്ന് മുതല് നീ
ലോക്കാ… ”
മൂക്കുകൾ തമ്മില് ഉരസികൊണ്ട് ഞാൻ ചിരിയോടെ മറുപടി നൽകി കൊണ്ട് അവളെ മുറുക്കി കെട്ടിപിടിച്ചു. ഒരിക്കലും വേർപെടില്ലെന്ന വിശ്വാസത്തോടെ.. !
തുടരും…
No comments